باب افتعال

(۱)۔۔۔۔۔۔اتخاذ :

    جیسے: اِجْتَحَرَ۔ ( اس نے سوراخ بنایا ) اِجْتَنَبَ۔ (اس نے کونہ پکڑا) اِغْتَذٰی الشَّاۃَ۔ (اس نے بکری کو غذا بنایا) اِعْتَضَدَہٗ۔ (اس نے اسے بازو میں لیا) ۔

    پہلی مثال میں ماخذ جُحْرٌ(سوراخ) دوسری مثال میں جَنْبٌ(گوشہ، طرف تیسری مثال میں غِذَا (خوراک)اور چوتھی مثال میں عَضُدٌ(بازو)ہے۔

(۲)۔۔۔۔۔۔مطاوعت:

    اس کے معنی بیان ہوچکے۔ جیسے: غَمَّمْتُہ، فَاغْتَمَّ۔ ( میں نے اسے غمگین کیا تووہ غمگین ہوگیا)۔

(۳)۔۔۔۔۔۔موافقت:

    ( ا لف) موافقت مجرد:

    جیسے: بَلَجَ ۔ کے معنی ہیں (وہ کشادہ ابرو ہوا )اوراِبْتَلَجَ کے معنی بھی یہی ہیں۔

    (ب) موافقت اِفْعَالٌ :

    جیسے:اَحْجَزَ۔کے معنی ہیں (وہ حجاز مقدس میں داخل ہوا )اور اِحْتَجَزَکے بھی یہی معنی ہیں ۔

(۴)۔۔۔۔۔۔ابتداء:

     اِسْتَلَمَ۔ (اس نے پتھر کو بوسہ دیا) مجرد سَلِمَ ہے جس کے معنی:(سلامت رہنا ) ہے۔

(۷)باب استفعال 

(۱)۔۔۔۔۔۔قصر :

    جیسے: اِسْتَرْجَعَ۔(اس نے اِنَّا لِلّٰہِ وَاِنَّا اِلَیْہِ رَاجِعُوْنَ پڑھا ) یہ '' قَالَ اِنَّا لِلّٰہِ وَاِنَّا اِلَیْہِ رَاجِعُوْنَ '' کا اختصارہے۔

(۲)۔۔۔۔۔۔تحول :

    جیسے: اِسْتَحْجَرَ الطِّیْنُ۔  ( گارا پتھر بن گیا )( ماخذ حَجَرٌ(پتھر)ہے)۔   (۳)۔۔۔۔۔۔مطاوعت:

    جیسے: اَقَمْتُہ، فَاسْتَقَامَ۔  ( میں نے اسے کھڑا کیاتو وہ کھڑا ہوگیا ) ۔

(۴)۔۔۔۔۔۔موافقت :

    ( ا لف) موافقت مجرد:

     جیسے:قَرَّ۔کے معنی ہیں( وہ ٹھہر گیا )اور اِسْتَقَرَّکے بھی یہی معنی ہیں۔

    (ب) موافقت اِفْعَالٌ: 

    جیسے:اَجاَبَ۔ کے معنی ہیں (اس نے جواب دیا، قبول کیا )اور اِسْتَجَابَ کے بھی یہی معنی ہیں۔

(۵)۔۔۔۔۔۔ابتداء:

    جیسے: اِسْتَعَانَ۔ (اس نے موئے زیر ناف مونڈے )مجرد عَانَۃٌ(موئے زیر ناف)ہے۔

(۶)۔۔۔۔۔۔طلب ماخذ:

    اس کا ایک مشہور خاصہ طلب ماخذہے یعنی فاعل کا ماخذکو طلب کرنا۔جیسے:اِسْتَعَانَ۔ (اس نے مدد طلب کی ) (ماخذ ''عَوْنٌ''(مدد)ہے)۔

                 (۸،۹) باب افعلال وافعیلال

    ان دونوں کے چارچار خواص ہیں :

(۱، ۲)۔۔۔۔۔۔لزوم، مبالغہ:

    یہ دونوں باب ہمیشہ لازم استعمال ہوتے ہیں اور ان میں ہمیشہ مبالغہ بھی پایا جاتا ہے۔ جیسے: اِحْمَرَّ، اِحْمَارَّ۔ دونوں کے معنی ہیں (بہت سرخ ہوا وہ )  (۳)۔۔۔۔۔۔ لون:

    یعنی ان میں عموما ًرنگ کے معنی بھی پائے جاتے ہیں ۔جیسے:مذکورہ مثالیں۔

(۴)۔۔۔۔۔۔عیب:

    یعنی ان کی دلالت عموماً عیب پربھی ہوتی ہے ۔جیسے: اِحْوَلَّ، اِحْوَالَّ۔ دونوں کے معنی ہیں (بھینگا ہوا وہ)

(۱۰) باب انفعال

(۱)۔۔۔۔۔۔مطاوعت :

    جیسے: کَسَّرْتُہ، فَانْکَسَرَ۔ ( میں نے اسے توڑا تو و ہ ٹوٹ گیا )۔

(۲)۔۔۔۔۔۔لزوم :

    جیسے:اِنْصَرَفَ۔ (پھرنا)(لازم)اس کامجرد فعل صَرَفَ(پھیرنا)ہے (متعدی) 

(۳)۔۔۔۔۔۔موافقت :

    موافقت اِفْعَالٌ۔جیسے: اَحْجَزَ کے معنی ہیں (وہ حجاز مقدس میں پہنچا )اور اِنْحَجَزَکے بھی یہی معنی ہیں۔

(۴)۔۔۔۔۔۔ابتداء :

    جیسے:اِنْطَلَقَ ۔ (وہ چلا )مجرد طَلَقَ ہے بمعنی اس نے دیا۔

(۱۱) باب افعیعال

(۱)۔۔۔۔۔۔مطاوعت :

    جیسے: ثَنَیْتُہ، فَاثْنَوْنٰی۔ (میں نے اسے لپیٹا تو وہ لپٹ گیا )

 (۲)۔۔۔۔۔۔لزوم :

    جیسے: اِعْرَوْرَیْتُ،۔ (میں ننگی پشت گھوڑے پر سوار ہوا ) 

(۳)۔۔۔۔۔۔مبالغہ :

    جیسے: اِعْشَوْشَبَتِ الْاَرْضُ۔  (زمین بہت گھاس والی ہوگئی )ماخذ عُشْبٌ (گھاس ) ہے۔

(۴)۔۔۔۔۔۔موافقت استفعال:

    باب اِسْتِفْعَالٌ کے ہم معنی ہونا۔جیسے: اِسْتَحْلَیْتُہ،۔ کے معنی ہیں(میں نے اسے میٹھا محسوس کیا )اور اِحْلَوْلَیْتُہ،کے بھی یہی معنی ہیں۔

                    (۱۲) باب افعوال

(۱)۔۔۔۔۔۔مبالغہ :

    جیسے: اِجْلَوَّذَ۔ (بہت تیزدوڑنا ) ۔

                   رباعی مجرد (۱) باب فعلل

(۱)۔۔۔۔۔۔مطاوعت:

    مطاوعتِ نفس:

     یعنی فَعْلَلَ کا خود اپنا مطاوِع ہونا۔جیسے: غَطْرَشَ اللَّیْلُ بَصَرَہ، فَغَطْرَشَ۔  (رات نے اس کی نگاہ کو پوشیدہ کیاتو وہ پوشیدہ ہوگئی ) 

(۲)۔۔۔۔۔۔قصر :

    جیسے:بَسْمَلَ۔ (اس نے بِسْمِ اللہِ الرَّحْمٰنِ الرَّحِیْمِ پڑھا )یہ ''قَرَءَ بِسْمِ اللہِ الرَّحْمٰنِ الرَّحِیْمِ '' کا اختصار ہے ۔

 (۳)۔۔۔۔۔۔الباس ماخذ : 

     جیسے: بَرْقَعْتُہ، ۔ (میں نے اسے برقعہ پہنایا )

رباعی مزید فیہ (۱)باب تفعلل

(۱)۔۔۔۔۔۔مطاوعت :

    مطاوعت فَعْلَلَ :

     جیسے: دَحْرَجْتُہ، فَتَدَحْرَجَ۔ (میں نے اسے لڑھکایا تو وہ لڑھک گیا  )۔

(۲، ۳) باب افعنلال، افعلال

(۱)۔۔۔۔۔۔لزوم :

    جیسے: اِتْعَنْجَرَ۔ (خون ریختہ ہونا )، اِشْمَعَلَّ(جلدی کرنا)۔

(۲)۔۔۔۔۔۔مطاوعت:

     جیسے: تَعْجَرْتُہ، فَاتْعَنْجَرَ۔  ( میں نے اس کا خون گرایا تو وہ خون رِیختہ ہوگیا(اس کا خون گرگیا))، طَمْئَنْتُہ، فَاطْمَئَنَّ۔  (میں نے اسے مطمئن کیا تو وہ مطمئن ہو گیا)

SHARE THIS