المنظومۃ المختصرۃ فی النحو

بسم اللہ الرحمن الرحیم

المنظومۃ المختصرۃ فی النحو

ھذہ المنظومۃ علی بحر الرجز، سہلۃ العبارۃ، عدد أبیاتہا59 بیتا، حوت علی فوائد لاتوجد فی غیرہا من المختصرات، واستشہد کثیرا بکتاب اللہ تعالی.

المقدمۃ (5)

الحمدُ   للہِ   علی   نحوٍ  بِہِ    

      مُعْرِبُہُ نالَ الرضی مِنْ رَبِّہِ  

ثُمَّ الصلاۃُ ما  جری الکلامُ   

        مِنّا علی النبیِّ والسلامُ 

وہـذہِ    أرجـوزۃٌ  فَـہَـیْـتا     

      تقل عن سِتین بیتاً بَیتا

تحوِی من النَّحْوِ أہَمَّ ما أہَمّ    

       ویَنْجَلِیْ بہا بإذْنِ اللہِ ہَمّ

مع اقتباسٍ لی عن  الأئمۃْ    

      مِنْ بینِ قوسینِ تراہ ثَمَّۃْ

باب الکلام (6)

القولُ إن أفاد معنیً محتواہْ      

     فہو الکلام عند معشر النحاۃْ

أَقَلُّہُ  اسمانِ  کزیدٌ  ذاہبُ      

      واسمٌ  وفعلٌ  نحوُ  فاز  التائبُ

کلا المثالین یسمی جملۃْ    

        وفیہما  الحرف  یکون فضلۃْ

فالاسمَ   میزہ   بجرٍ   و   ندا

وجَعْلِہِ    معرفاً    أو   مسندا

والفعلَ   میزہ   بلم   والتاءِ

والسین  والنون  و قد  و الیاء

والحرفَ میزہ بکونہ خلا

من العلامات کہلْ أو کعلی

باب الإعراب (12)

تغییر            أواخر            الکَلِمْ  

       لعاملٍ  وذاک   فی  البنا   عُدِمْ

فـالمعربُ اسمٌ لا یضاہی الحرفا    

       وفعلٌ     امتاز     بِلَمْ     کیخفی

رفعاً     ونصباً   أُعْرِبَا   و  یُعربانْ     

      أیضاً     بجرِّ     أولٍ    و جزمِ  ثانْ

بضمۃٍ           ففتحۃٍ     للأولَینْ    

       وکسرۃٍ    ثم     سکونٍ  بعد  ذینْ

وارفعْ  بواوٍ   جمع   تصحیحٍ  ذَکَرْ

          واجعلْہُ بالیا إن  أتی نصبٌ  وجَرّ

و  مثلُہُ   فی   الرفعِ   والجرِّ  أُلِفْ  

        خمسۃُ الاسماء ِ وتنصبْ بالألِفْ

و الألف    ارفعاً    بہا   ما     ثُنِّیا

          و نصبُہُ     و جرُّہ     اجعلْہُ    بیا

و  نحو   ہنداتٍ    لنصبِہِ  انکسَرْ  

         و غیرُ    مصروفٍ    بفتحۃٍ    یُجَرّ

والخمسۃ   الأفعالُ  رفعہا  بنونْ

          والنونَ  فی نصبٍ  وجزمٍ یحذفونْ

وأی   فعلٍ   آخرٌ      منہ    ألِفْ

أو  واوٌ  أو  یاء  ٌ ففی  الجزمِ حُذِفْ

و  الرفعُ   فی    جمیعِہا   مقدّرُ

           ونصبُ  ذی  الألِفِ  أیضاً  قدّروا

والرفعُ فی منقوص الاسما قُدِّرا

           و الجرُّ   و  الجمیعُ   فیما   قُصِرا

العُمَدُ والنواسخ (11)

المبتدا مرتفعٌ والخبرُ

کاللہُ ربُّنا ونحنُ نشکُرُ

فالمبتدا  اسمٌ  دائماً  ثمّ إلیہْ

یُسندُ أو یُقالُ محکومٌ علیہْ

والخبرُ الحکمُ الذی قد أُسنِدا

وجاء   جملۃً  وجاء  مفردا

و الفاعلُ  اسمٌ  مسندٌ  إلیہِ

و  فعلُہُ    مقدّمٌ        علیہِ

ففاعلٌ   زیدٌ   إذا قلتَ  بدا

زیدٌ وإن عکستَ زیدٌ مبتدا

والفعلُ  إن  فاعلُہُ  مجہولُ

فذو      نیابۃٍ     لہ  المفعولُ

وسیّدٌ   فی  کان  زیدٌ سیّدا

خبرُ کانَ  واسمہا  ذو الابتدا

وأعطِ بات صار ما لکان مرّ

ولیس أمسی ظل مع سبعٍ أُخَرْ

و سیّدٌ  فی  إنّ   زیداً   سیّدُ

مرتفعٌ    و     یُنْصَبُ   الْمُسَوّدُ

وأعطِ أنّ ما  لِإنّ  مِنْ عملْ

کذا     کأنّ     لیتَ   لکنّ  لعلّ

وانصبہما فی ظنّ زیداً سیّدا

ونحوُ   ظنّ   مثلُہا  فیما    بدا

المنصوبات (6)

شربتُ ماء ً ماء ٌ المفعولُ بِہْ

وناب فی یُشربُ ما عنْ شارِبِہْ

والظرفُ وقتٌ أو مکانٌ نُصِبا

کقامَ     لیلۃً    و    قامَ    جانِبا

والمصدرَ  انْصِبْہُ کَقُمْ قِیاما

و  نَحْوُہُ    مِنْ    مَلَکٍ    سَلاما

وانصبْہُ  مفعولاً  لَہُ  إنْ علَّۃْ

جاء َ    کَلِلّہِ    اجْتَہِدْ  شُکْراً لَہْ

والحالُ وصْفٌ ہیئۃً قد أَعَرَبا

مُنَکّرٌ      کجِئْتُ    زیداً    راکِبا

ونحوُہُ التمییزُ لکنْ جَمُدا

کَشِبْرٍ ارْضاً وأجَلَّ مَحْتِدا

المجرورات (3)

یُجَرُّ    بالحرفِ   و   بالإضافۃْ

کانْعِمْ ببیتِ ابنِ أبی قُحافۃْ

والحرفُ باء ٌ وإلی  ومِنْ  وفیْ

ونحوُہا   و  أحْرُفٌ   لِلْحَلِفِ

ومِنْ مُضافٍ أَسْقِطِ التنوینا

والنّونَ   کابْنَیْہِ  وطُورِ سِینا

التوابع (4)

یتبعُ فی الإعرابِ الاسماء َ الأوَلْ

نعتٌ وتوکیدٌ وعطفٌ وبدلْ

فالنعتُ فی بُشِّرَ بالإبنِ الحلیمْ

وابنٍ علیمٍ الحلیمُ والعلیمْ

ونحوُہ التوکیدُ مثلُ قولِہمْ

مُرَّ بِہِمْ جمیعِہِمْ أو کلِّہِمْ

والعطفُ بالحروفِ نحوُ جِءْ أبا

زیدٍ وزیداً ثُمَّ جانِبْ مَنْ أبَی

النداء (2)

یُبنی المنادی المفردُ المعَرَّفُ

علی الذی فی الرفعِ قبلُ یُعرفُ

وانصِبْہُ إنْ مضافاً أوْ مُنَکَّراً

کیا رفیقَ الدربِ أو یا سائرا

العدد (4)

العشرُ دون التا إلی الثلاثِ

خُصّتْ بمعدودٍ من الإناثِ

والعشرُ إن رکبتہا فطابقا

وواحداً واثنینِ طابقْ مطلقا

ممیزٌ ما بین عشرٍ ومائۃْ

یُنصبُ مفرداً کعشرینَ فئۃْ

وغیرُہ جُرَّ ولیسَ مفردا

إلا مبینٌ مائۃ فصاعدا

إعراب الفعل المضارع (7)

(   ویُرْفَعُ    المضارعُ     المجرّدُ

    من   نَصبٍ   أو جزْمٍ) کأنتَ  تَسْعَدُ

وانْصِبْ بِلَنْ وأَنْ وباللامِ الْمُفیدْ

    کیْ   وہْیَ  فی الآیاتِ مِنْ بعدِ یُریدْ

والواوِ   والفا   بعدَ   نفیٍ  أو طَلَبْ

              کاطْلُبْ ولا تَکْسَلْ فتَتْرُکَ الطلبْ

وإنْ   خلا   مِنْ   واوٍ   أو فاء  ٍ جُزِمْ          

      کغیرِ        موضعٍ       بِہِ        یغفِرْ لَکُمْ

واجْزِمْہُ   باللام   ولا   إنْ    طَلَبا

      ولم     و      لما      و    لماضٍ    قَلَبا

واجزِمْ    بإنْ   نحوَ   حدیثِ إنْ یُرِدْ       

           وثَمّ     غیرُ      إنْ    کمَنْ یَعْمَلْ یَجِدْ

مکمل مضمون پڑھیں

مشق

سوال نمبر1:۔ترجمہ کریں اور مصدر کے عمل کی نشاندہی کریں۔

    ۱۔ حُبُّکَ الشَّیئَ یُعْمِی وَیُصِمُّ۔ ۲۔ مُخَالَطَۃُ الأَشْرَارِ مِنْ أَعْظَمِ الْأَخْطَارِ۔۳۔ اِکْرَامُ الْعَرْبِ الضَّیِفَ مَعْرُوْفٌ فِی العالَمِ۔ ۴۔ قال صلی اللہ علیہ وسلم تَبَسُّمُکَ فی وجہِ أخِیکَ صَدَقَۃٌ وَاَمْرُکَ بالمعروفِ صدقۃٌ ونَھْیُکَ عن المُنْکَرِ صدقۃٌ ونَصْرُک الرجلَ الرَّدیَ البصرِ لک صدقۃٌ واِمَاطَتُکَ الحجرَ والشَّوکَ والعَظْمَ عن الطریق لک صدقۃٌ۔ ۵۔ ولولا دفعُ اللہِ الناسَ بعضَھم ببعضٍ لَفَسَدَتِ الارضُ۔

مکمل مضمون پڑھیں

۔۔۔۔۔۔عوامل کا بیان۔۔۔۔۔۔

عامل کی دو قسمیں ہیں ۔        ۱۔عامل لفظی۔    ۲۔عامل معنوی

عامل لفظی کی تعریف:

     جس عامل کو پڑھا جا سکے اسے عاملِ لفظی کہتے ہیں ۔(جو عامل محذوف ہو اس کو بھی لفظی عامل ہی کہتے ہیں)۔

عامل معنوی کی تعریف:

وہ عامل جسے پڑھا نہ جا سکے اسے عاملِ معنوی کہتے ہیں۔

    عامل کی تین قسمیں ہیں ۔

۱۔حروفِ عاملہ ۔    ۲۔افعالِ عاملہ۔    ۳۔اسمائے عاملہ

۱۔حروف عاملہ:

     ان کی بحث حروف کی اقسام کے سبق میں مذکورہے۔ 

۲۔افعال عاملہ:

     افعال بھی تمام کے تمام عمل کرتے ہیں ان کا مکمل بیان سبق ''فعل کا عمل''میں مذکور ہے۔

۳۔اسمائے عاملہ:

اسمائے عاملہ کی درج ذیل اقسام ہیں ۔

    ۱۔اسم فاعل ۔۲۔اسم مفعول ۔۳۔صفت مشبہ۔۴۔اسم تفضیل۔۵۔اسمائے افعال ۶۔اسمائے کنایات۔۷۔اسمائے شرطیہ۔۸۔مصدر۔۹۔ مضاف ۔

    مصدر کے علاوہ تمام کی تفضیل ان سے متعلق اسباق میں مذکورہے وہاں مکمل تفصیل دیکھیں، مصدر کی تفصیل بیان کی جاتی ہے۔

مصدر:

مصدر کی تعریف:

    مصدر کو تین طریقوں سے استعمال کیا جاتا ہے ۔

    ۱۔اضافت کے ساتھ جیسے اَعْجَبَنِیْ قِیَامُ زَیْدٍ  (مجھے زید کے کھڑے ہونے نے حیرت میں ڈالا)، اس مثال میں قِیَام مصدر اپنے فاعل زَیدکی طرف مضاف ہے جو کہ لفظا مجرور اور محلا مرفوع ہے۔

    ۲۔تنوین کے ساتھ جیسے اَوْاِطْعَامٌ فِی یَوْمٍ ذِیْ مَسْغَبَۃٍ یَتِیْمَاًذَامَقْرَبَۃٍ  (یا کھانا کھلانافاقے کے دن کسی رشتہ دار یتیم کو)، اس مثال میں اِطْعَامٌ مصدر تنوین کے ساتھ استعمال ہواہے اور یَتِیْمًا اس کا مفعول بہ ہے۔

    ۳۔الف لام کے ساتھ جیسے عَمُّکَ حَسَنُ التَّھْذِیْبِ أَبْنَاءَ ہ،  (تیرے چچا نے اپنے بیٹوں کو اچھے اطوار سکھائے)اس مثال میں اَلتَّھْذِیْب مصدر الف لام کے ساتھ استعمال ہو ا ہے۔ اور أَبْنَاءَ ہ، اس کامفعول ہے۔

مصدر کے عمل کی شرط:

    مصدر کے عمل کی شرط یہ ہے کہ وہ مفعول مطلق نہ ہو۔

مصدر کا عمل:

    مصدر اپنے فعل کی طرح عمل کرتا ہے اگر فعل لازم کا مصدر ہے توفعل لازم کی طرح عمل کریگا اگر فعل متعدی کا مصدر ہے تو فعل متعدی کی طرح عمل کریگا۔

جیسے:

    ۱۔ فعل لازم کا مصدر عَجِبْتُ مِنْ ذَھَابِکَ  (میں تیرے جانے سے متعجب ہوا)۔

    ۲۔ فعل متعدی کا مصدر عَجِبْتُ مِنْ ضَرْبِکَ زَیْدًا  (میں تیرے زید کو مارنے سے متعجب ہوا)۔

مکمل مضمون پڑھیں

مشق

سوال نمبر۱: مندرجہ ذیل جملوں میں موجود الفاظ پر آنے والے الف لام کا تعین کریں۔

    ۱۔ اَعُوْذُ بِاللہِ مِنَ الشَّیْطٰنِ الرَّجِیْمِ ۲۔ بِسْمِ اللہِ الرَّحْمٰنِ الرَّحِیْمِ ۳۔ رَکِبْتُ فَرَسَ زَیْدٍ وَکَانَ الْفَرَسُ سَرِیْعاً ۴۔جَاءَ الْحَمْزَۃُ وَالْعَبَّاس ۵۔ اَلْیَوْمُ عُطْلَۃٌ ۶۔اَلشَّمْسُ طَالِعَۃٌ ۷۔اَلْمَرْأَۃُ نَاقِصَۃُ الْعَقْلِ وَالدِّیْنِ ۸۔ذَھِبْتُ مَعَکَ فِی السُّوْقِ ۹۔اَوَّلُ النَّاسِ اَوَّلُ نَاسٍ ۱۰۔فِیْ بَیْتِیْ قِطَّاطٌ کَثِیْرَۃٌ فَشَرَّبْتُ الْقِطَّۃَ لَبَناً ۱۱۔یَعِیْشُ السَّمَکُ فِی الْمَاءِ ۱۲۔سَیِّدُ الْقَوْمِ خَادِمُھُمْ

مکمل مضمون پڑھیں

۔۔۔۔۔الف لام کی اقسام۔۔۔۔۔

الف لام کی دو قسمیں ہیں ۔        ۱۔اسمی         ۲۔حرفی 

اسمی کی تعریف:

    وہ الف لام جو اَلَّذِیْ کے معنی میں ہو جیسے اَلضَّاِربُ بمعنی اَلَّذِیْ ضَرَبَ اوراَلْمَضْرُوْبُ بمعنی اَلَّذِیْ ضُرِبَ۔ ''الف لام اسمی'' صرف اسم فاعل اور اسم مفعول پر آتا ہے جبکہ یہ دونوں حدوثی معنی پردلالت کریں۔

حرفی کی تعریف:

    وہ الف لام جواَلَّذِیْ کے معنی میں نہ ہو جیسے اَلْحَسَنُ۔

    حرفی کی دو قسمیں ہیں۔        ۱۔زائدہ۔    ۲۔غیر زائدہ۔

زائدہ کی تعریف:

    وہ الف لام جو اپنے مدخول کے معنی میں زیادتی پیدا نہ کرے جیسے اَلنُّعْمَانْ۔

غیر زائدہ کی تعریف :

    وہ الف لام جو اپنے مدخول کے معنی میں زیادتی پیدا کرے۔جیسے اَلرَّجُلُ(خاص مرد)۔

زائدہ کی اقسام

۱۔ لازمی ۲۔عارضی۔

لازمی کی تعریف :

    لازمی وہ الف لام ہے جو اپنے مدخول سے جدانہ ہوتا ہو ۔جیسے اسم جلالت اللہ کا ا لف لام ۔

عارضی کی تعریف :

    عارضی وہ الف لام ہے جو اپنے مدخول سے جدا ہو سکتا ہو۔جیسے أَلْمَدِیْنَۃُ کا الف لام ۔

غیر زائدہ کی اقسام

    اسکی پانچ اقسام ہیں ۔

۱۔جنسی ۔ ۲۔استغراقی۔ ۳۔عہد خارجی ۔ ۴۔عھد ذہنی۔ ۵۔عہد حضوری ۔

۱۔جنسی:

    وہ الف لام ہے جس کے مدخول سے مراد فقط جنس ہو اور افرادکا اعتبارنہ ہو ۔ 

جیسے اَلرَّجُلُ خَیْرٌ مِّنَ الْمَرْأَ ۃِ  (جنس مرد جنس عورت سے بہتر ہے) اس مثال میں اَلرَّجُلُ اور اَلْمَرْأَۃُکا الف لام جنسی ہے ۔

۲۔ استغراقی:

    وہ الف لام ہے جس کے مدخول سے مراد جنس کے تمام افراد ہوں۔ جیسے اِنَّ الانْسَانَ لَفِیْ خُسْرٍ  (بے شک ہر انسان خسارے میں ہے) اس مثال میں اَلانْسَان کا الف لام استغراقی ہے۔

۳۔عہد خارجی :

    وہ الف لام جس کا مدخول متکلم اور مخاطب دونوں کے نزدیک متعین ہو۔ جیسے  فَعَصٰی فِرْعَوْ نُ الرَّسُوْلَ  (تو فرعون نے رسول کی نافرمانی کی)اس مثال میں اَلرَّسُوْل پر عہدخارجی کا الف لام ہے۔

۴۔عہد ذھنی: 

    وہ الف لام ہے جس کے مدخول سے مراد کوئی غیر معین فرد ہو۔ جیسے أَخَافُ أَنْ یَّأْکُلَہُ الذِّئْبُ  (میں خوف کرتا ہوں کہ اسے کوئی بھیڑیا کھا لے)۔اس مثال میں اَلذِّئْبُ پر عہد ذھنی کا الف لام ہے۔

۵۔عہد حضوری:

    وہ الف لام ہے جس کے مدخول سے مراد وہ فرد ہو جو موجود و حاضر ہو۔جیسے اَلْیَوْمَ أَکْمَلْتُ لَکُمْ دِیْنَکُمْ (آج کے دن میں نے تمہارے لئے تمہارا دین مکمل کر دیا)اس مثال میں اَلْیَوْمَ پر عہدِ حضوری کا الف لا م ہے۔

مکمل مضمون پڑھیں

۔۔۔۔ حروف غیر عاملہ کا بیان ۔۔۔۔

حروف غیر عاملہ تیرہ ہیں جن کی تفصیل مندرجہ ذیل ہے۔

*۔۔۔۔۔۔۱۔حروف عطف:

حروف عطف کی تعریف:

وہ حروف جو اپنے مابعد کو ماقبل کے حکم میں جمع کرنے کیلئے آتے ہیں۔ ان کو حروف عطف کہتے ہیں ، انکے ماقبل کو معطوف علیہ اورما بعد کو معطوف کہتے ہیں ۔ حروف عطف نو ہیں۔

۱۔وَاؤ ۲۔ فَا ۳۔أَوْ ۴۔ أَمْ ۵۔ لاَ ۶۔بَلْ ۷۔حَتٰی ۸ لَکِنْ ۹۔ ثُمَّ

۱۔واؤ:

    یہ مطلق جمع کیلئے آتاہے اور معطوف ومعطوف علیہ میں ترتیب ضروری نہیں جیسے جَاءَ زَیْدٌ وَعُمَرُ اس کا مطلب ہے زَیْدٌ اورعُمَرُ دونوں آئے اب یہاں یہ ترتیب ضروری نہیں کہزَیْدٌ پہلے آیا ہو یا عُمَرُ ۔ 

۲۔فا:

     یہ ترتیب کیلئے آتاہے اور اس میں یہ بات ضروری ہوتی ہے کہ ماقبل کیلئے جو حکم ثابت ہواہے وہ فورا ہی مابعد کیلئے ثابت ہو اور اس میں تاخیر نہ ہو۔ جیسے جَاءَ زَیْدٌ فَبَکْرٌ اس کا مطلب یہ ہے کہ پہلے زید آیا اوراس کے فوراً بعد بکر ۔

۳۔او ، ۴۔ام:

    یہ دونوں اس بات پر دلالت کرتے ہیں کہ انکے مابعد یا ماقبل میں کسی ایک کیلئے حکم ثابت ہے لیکن کس کیلئے ثابت ہے اس میں شک ہے۔ جیسے جَاءَ زَیْدٌ أَوْ عَمْر ٌو، جَاءَ زَیْدٌ أَمْ عَمْرٌ و، اس کا مطلب یہ ہے کہ زید یا عمر و میں سے کوئی ایک آیا ہے لیکن یہ معلوم نہیں کون آیا ہے۔

۵۔لا:

     یہ اس بات پر دلالت کرتا ہے کہ اس کے مابعد سے حکم کی نفی کی گئی ہے۔ جیسے رَکِبَ السَّیِّدُ لاَ خَادِمُہ، اس کا مطلب یہ ہے کہ سردار سوار ہوا، اس کاخادم نہیں ۔

۶۔بَلْ:

     یہ معطوف علیہ سے حکم کی نفی کرکے معطوف کیلئے حکم کو ثابت کرنے کیلئے آتاہے۔ جیسے جَاءَ نِیْ زَیْدٌ بَلْ بَکْرٌ  (میرے پاس زید نہیں بلکہ بکر آیا)۔ 

۷۔حتی:

     حتی انتہائے غایت کیلئے آتا ہے۔ جیسے قَرَءَ الطُّلاَّبُ حَتَّی الأُستَاذُ (طالب علموں نے پڑھا حتی کہ استاد نے بھی پڑھا) ۔

۸۔لٰکِنَّ:

     یہ اس وہم کو دور کرنے کیلئے آتاہے جو ماقبل کلام سے پیدا ہواہو،یہ جس جملہ میں آئے اس سے پہلے یا اس کے بعد نفی کا ہونا ضروری ہے۔ جیسے مَا نَامَ زَیْدٌ لٰکِنْ عَمْرٌو

نَامَ۔(زید نہیں سویا لیکن عمرو سوگیا)۔ 

۹۔ثُمَّ:

    یہ بھی ترتیب کیلئے آتاہے لیکن اس میں یہ بات ضروری ہے کہ ماقبل کیلئے جو حکم ثابت ہے وہ مابعد کیلئے کچھ دیر کے بعدثابت ہو۔ جیسے اِسْتَیْقَظَ زَیْدٌ ثُمَّ بَکْرٌ (زیدجاگا پھر اس کے کچھ دیربعد بکر جاگا)۔

*۔۔۔۔۔۔۲۔حروف استفہام:

    ان کی پوری بحث کلمات استفہام میں گزر چکی ہے۔

*۔۔۔۔۔۔۳۔حروف استقبال:

    یہ وہ حروف ہیں جو فعل مضارع پر داخل ہوکر اس کو مستقبل کے معنی میں کر دیتے ہیں۔یہ دو ہیں۔۱۔سین۲۔سوف جیسے سَیَقُوْمُ (عنقریب وہ کھڑاہوگا)اورسَوْفَ تَعْلَمُوْنَ (عنقریب تم جان لوگے)۔

*۔۔۔۔۔۔۴۔حروف تاکید:

    وہ حروف ہیں جو جملہ پر داخل ہوتے ہیں اور اس میں تاکید کے معنی پیدا کردیتے ہیں۔ یہ دوہیں۔         

۱۔ نون تاکید        ۲۔ لام ابتدائیہ

۱۔نون تاکید:

    نون تاکید فعل پر داخل ہوتاہے۔جیسے لَیَضْرِبَنَّ ( ضرور ضرور مارے گا وہ ایک مرد)۔

۲۔لام ابتدائیہ: 

    یہ اسم اور فعل دونوں پر داخل ہوتا ہے جیسے:  (وَلَعَبْدٌ مُّؤْمِنٌ خَیْرٌ مِّنْ مُّشْرِکٍ) ترجمہ کنز الایمان:''اور بیشک مسلمان غلام مشرک سے اچھا ہے ''۔ اور  (لَوَجَدُوْا اللّٰہَ تَوَّابًا رَّحِیْمًا) ترجمہ کنز الایمان:''تو ضرور اللہ کو بہت توبہ قبول کرنے والا مہربان پائیں''۔

نوٹ:

    اِنَّ اور أَنَّ بھی تاکید کیلئے استعمال ہوتے ہیں ۔ اسی طرح کبھی قَدْ بھی تاکید کیلئے استعمال کیاجاتاہے۔ 

ز۔۔۔۔۔۔۵۔حروف تفسیر:

    وہ حروف جواپنے ماقبل کی وضاحت کیلئے آتے ہیں انہیں حروف تفسیر کہا جاتاہے۔ انکے ماقبل کو مُفَسَّر اورمابعد کو مفسِّر کہتے ہیں ۔یہ دو حرف ہیں ۔     

۱۔ أَیْ        ۲۔أَنْ 

۱۔أَیْ: 

    یہ مفرداور جملہ دونوں کی تفسیر بیان کرتاہے جبکہ أَنْ صرف جملہ کی (مفرد کی مثال)۔ جیسے رَأَیْتُ لَیْثًا أَیْ أَسَدًا  (میں نے لیث یعنی شیر کو دیکھا)اور ( جملہ کی مثال ) اِنْقَطَعَ رِزْقُہ، أَیْ مَاتَ  (اسکا رزق منقطع ہوگیایعنی وہ مر گیا)۔

۲۔اَنْ: 

    جیسے  (وَنَادَیْنٰہ أَنْ یَّا اِبْرَاھِیْمُ ) ترجمہ کنز الایمان:''ہم نے اسے نداء دی کہ

اے ابراہیم''۔

*۔۔۔۔۔۔۶۔حروف تحضیض :

    حروف تحضیض سے مراد وہ حروف ہیں جنکے ذریعے کسی کام پر ابھاراجائے اوروہ چارہیں۔     ۱۔ ھَلاَّ : جیسے ھَلاَّ ضَرَبْتَ زَیْدًا  (تونے زید کو کیوں نہیں مارا؟) ۔

    ۲۔ أَلاَ:     أَلاَ تَحْفَظُوْنَ دُرُوْسَکُمْ  (تم اپنا سبق یاد کیوں نہیں کرتے؟)۔

    ۳۔ لَوْلاَ:   لَوْلاَ تَتْلُوْالْقُرْآنَ (تو قرآن کی تلاوت کیوں نہیں کرتا؟) ۔

    ۴۔ لَوْمَا:   لَوْمَا تُصَلِّیَ الصَّلٰوۃَ (تونماز کیوں نہیں پڑھتا؟) ۔

ز۔۔۔۔۔۔۷۔حروف مصدریہ:

    وہ حروف جو جملہ کو مصدر کے معنی میں کردیں ان حروف کو حروف مصدریہ کہتے ہیں۔

۱۔ مَا         ۲۔ اَن         ۳۔ اَنَّ 

مَا، اَ نْ:

    مااورا َن دونوں جملہ فعلیہ پر داخل ہوتے ہیں ۔جیسے ضَاقَتْ عَلَیْھِمُ الأَرْضُ بِمَا رَحُبَتْ  (زمین ان پر تنگ ہوگئی کشادہ ہونے کے باوجود) اس مثال میں رَحُبَتْ بِرُحْبِھَامصدر کے معنی میں ہے۔ اور یَفْرَحُکَ أَنْ تَفُوْزَ( تیرا کامیاب ہونا تجھے خوش کرتاہے) اس مثال میں اَنْ تَفُوْزَ ، فَوْزُکَ کے معنی میں ہے۔

اَنَّ:

    عَلِمْتُ أَنَّکَ قَائِمٌ (میں نے تیرے کھڑے ہونے کو جانا) اس مثال میںأَنَّکَ قَائِمٌ ، قِیَامُکَ کے معنی میں ہے۔ 

ز۔۔۔۔۔۔۸۔حرف رَدع:

    یہ وہ حرف ہے جو ڈانٹنے اورجھڑکنے اورمتکلم کو اس کے عمل سے روکنے کے لئے آتاہے یہ صرف ایک حرف ہے۔ 

    کَلاَّ:۔ کبھی حَقًّاکے معنی میں استعمال ہوتاہے۔ اورجملہ کی تحقیق کیلئے آتاہے۔ جیسے (کَلاَّ اِنَّ الاِنْسَانَ لَیَطْغٰی ) ترجمہ کنزالا یمان:''ہاں ہاں بیشک آدمی سرکشی کرتا ہے''۔ کبھی یہ ما قبل کی تردید کے لیئے آتا ہے بشرطیکہ اس پر وقف کیا جائے ۔ جیسے کوئی کہے فُلاَنٌ یَبْغَضُکَ (فلاں شخص تجھ سے بغض ر کھتا ہے) تو اس کے جواب میں کہا جائے: کَلاَّ یعنی ہر گز نہیں۔

*۔۔۔۔۔۔۹۔ حرف توقع :

    وہ حرف جو ما ضی پر داخل ہو کر اس کو حال کے قریب کر دے ۔یہ صرف قَدْ ہے ۔ اس میں تحقیق کے معنی بھی پائے جاتے ہیں اور اگر یہ مضارع پر داخل ہو تو اکثر تقلیل کا معنی دیتا ہے ۔    قَدْ رَکِبَ (وہ ابھی ابھی سوار ہواہے )، قَدْ أَفْلَحَ الْمُؤْمِنُوْنَ (تحقیق مؤمنین فلاح پا گئے) اِنَّ الْکَذُوْبَ قَدْ یَصْدُقُ  (جھوٹا کبھی کبھی سچ بولتا ہے )۔

*۔۔۔۔۔۔۱۰۔حروف جواب:

    وہ جو ما قبل کلام کے اثبات کے لیے آتے ہیں وہ چھ ہیں ۔

            ۱۔نَعَمْ ۔۲۔بلٰی۔۳۔أِیْ۔۴۔جَیْرِ۔۵۔أَجَلْ۔۶۔ اِنَّ

۱۔نعم:

     یہ کلام سابق کو تسلیم کرنے کا فائدہ دیتا ہے جیسے کوئی کہے أَ جَاءَ زَیْدٌ ؟(کیا زید آگیا) تو جواب میں کہا جائے نَعَمْ (ہاں)۔

۲۔بلٰی:

     اگر نفی کے جواب میں آئے تو اثبات کا فائدہ دیتا ہے جیسے أَ لَسْتُ بِرَبِّکُمْ؟( کیا میں تمہارا رب نہیں ) ؟ ۔تو اس کے جواب میں کہا بَلٰی (کیوں نہیں)۔

۳۔اِیْ: 

    یہ قسم کے لیے آتاہے جیسے قُلْ اِیْ وَرَبِّیْ اِنَّہ، لَحَقٌّ ۔  (آپ فرما دیجئے کہ میرے رب کی قسم بے شک وہ ضرور حق ہے )۔

۴ جَیْرِ ۔۵ اَجَلْ ۔۶ اِنَّ:

     یہ تینوں خبر دینے والے کی تصدیق کے لیے آتے ہیں خواہ وہ خبر مثبت ہو یا منفی ،

جیسے اگر کوئی کہے أَ جَاءَ کَ زَیْدٌ ؟ تو اس کے جواب میں کہا جائے جَیْرِ،أَجَلْ، اِنَّ تو اسکا مطلب ہوگا جی ہاں آپ نے ٹھیک کہا ۔منفی خبر کے جواب میں جیسے أَلَمْ یَأْ تِکَ زَیْدٌ؟ کے جواب میں جَیْرِ، أَجَلْ ،اِنَّ کہا جائے ۔یہ تینوں بہت قلیل الاستعمال ہیں۔

ز۔۔۔۔۔۔۱۱۔حروف تنبیہ:

    یہ تین ہیں جیسے:

    ۱۔أَلاَ :  (أَلاَاِنَّ أَوْلِیَاءَ اللّٰہِ لاَخَوْفٌ عَلَیْھِمْ وَلاَ ھُمْ یَحْزَنُوْنَ) ترجمہ

کنزالایمان: ''سن لو بیشک اللہ کے ولیوں پر نہ کچھ خو ف ہے نہ کچھ غم ''۔     ۲ ۔أَمَا:     أَمَا لاَ تَفْعَلْ  (خبردار تو یہ نہ کر) ۔

    ۳۔ھَا    :    ھَا زَیْدٌ قَائِمٌ  (خبر دار زید کھڑا ہے) ۔

*۔۔۔۔۔۔۱۲۔حروف زیادت:

    یہ ایسے حروف ہیں جوفعل واسم دونوں کے شروع میں آتے ہیں اور ان کے کوئی معنی نہیں ہوتے ،ان سے مقصود کلام کی زینت ہوتی ہے ۔یہ آٹھ ہیں ۔

۱۔اِنْ ۔ ۲۔أَنْ۔ ۳۔مَا۔ ۴۔لاَ۔ ۵۔مِنْ ۔ ۶۔کَافْ۔ ۷۔بَا ۔ ۸۔لاَمْ

جیسے( ۱)۔۔۔۔۔۔ مَا اِنْ زَیْدٌ قَائِمٌ  (زیدنہیں کھڑا )۔     (۲)۔۔۔۔۔۔فَلَمَّا أَنْ جَاءَ الْبَشِیْرُ  (جب خوش خبری دینے والاآیا)۔  (جب خوش خبری دینے والاآیا)۔

    (۳)۔۔۔۔۔۔ اِذَا مَاصُمْتَ صُمْتُ  (جب تو روزہ رکھے گامیں بھی روزہ رکھوں گا )۔

    (۴)۔۔۔۔۔۔ مَا ھَرَبَ زَیْدٌ وَلاَ عَمْرٌو  (نہ زید بھاگا اور نہ ہی عمرو ) ۔

    (۵)۔۔۔۔۔۔ مِنْ (۶)کَافْ (۷)بَا (۸)لاَمْ۔ ان چاروں کا ذکر حروف جر کی بحث میں گزر چکا ہے ۔ نیز یہ حروفِ عاملہ میں بھی ہیں۔

ز۔۔۔۔۔۔۱۳۔ الف لام :

    اس کی مکمل تفصیل الف لام کے سبق میں دیکھیں۔

مکمل مضمون پڑھیں

مشق

سوال نمبر1:۔ مندرجہ ذیل کا ترجمہ کریں اور حر وف جارہ اوراسمائے مجرورہ کی نشاندہی کریں ؟

    ۱۔ دَخَلْتُ فِی الدَّارِ ۲۔ زَیْدٌ عَلَی السَّطْحِ ۳۔ سِرْتُ مِنَ الْبَصْرَۃِ اِلَی الْکُوْفَۃِ ۴۔ وَاللہِ لأَفْعَلَنَّ کَذَا ۵۔ تَاللہِ لأَکِیْدَنَّ ۶۔ جَرَی الْمَاءُ فِی النَّہْرِ ۷۔ لَہٗ الْمُلْکُ ۸۔ لَہُ الْحَمْدُ ۹۔ مَرَرْتُ بِزَیْدٍ ۱۰۔ زَیْدٌ کَالأَسَدِ ۱۱۔نَظَرْتُ اِلَی الْمَدْرَسَۃِ ۱۲۔ أَکْتُبُ عَلَی الْوَرَقِ

سوا ل نمبر2:۔مندرجہ ذیل کی عربی بنائیں؟

    ۱۔ چھت پر ۲۔ مسجد کی طرف ۳۔ مدرسے سے ۴۔ بہت سے لوگ ۵۔ میں گھرمیں داخل ہوا ۶۔ اللہ کی قسم میں ضرور پڑھوں گا ۷۔ میں نے اسے جمعہ سے نہیں دیکھا ۸۔ بہت کم لوگ ۹۔ پھول کی طرح ۱۰۔ لاہور سے کراچی ۱۱۔ قلم کی مدد سے ۱۲۔ زید کے سوائے سب نے سبق یاد کیا۔

مکمل مضمون پڑھیں

۔۔۔۔۔ حروف جارہ کا بیان۔۔۔۔۔

    ایسے حروف جواپنے ما بعد اسم کو جر دیں انہیں حروف جارہ کہتے ہیں۔ یہ سترہ ہیں جن کو اس شعر میں بیان کیا گیاہے۔

بَاؤ، تَاؤ، کَاف  وَلاَم  و وَاؤ،مُنْذُ  وْمُذْ  خَلاَ

رُبَّ حَاشَا مِنْ عَدَا فِیْ عَنْ عَلٰی حَتٰی اِلٰی

جس اسم پر یہ داخل ہو ں اس کو مجرور کہا جاتاہے۔

مِنْ (سے):

    یہ ابتداء کا معنی دیتاہے۔ جیسے مِنَ الْبَصْرَۃِ ( بصرہ سے) ۔

حتی(تک)، الی(طرف):

    یہ دونوں انتہا کا معنی دیتے ہیں۔

حَتٰی مَطْلَعِ الْفَجْرِ ۔  (طلوع فجر تک) اِلَی الْمَسْجِدِ (مسجد تک) ۔

علی(پر):

     عَلَی السَّطْحِ (چھت پر) ۔

فی(میں):

     یہ ظرف زمان ومکان کیلئے آتاہے۔ جیسے فِی الدَّارِ زَیْدٌ  (زید گھر میں ہے ) فِی

الْلَیْلِ ظُلْمَۃٌ (رات میں تاریکی ہے) ۔

عن (سے):

    یہ بعد و مجاوزت کے معنوں میں استعمال ہوتا ہے۔جیسے رَمَیْتُ السَّھْمَ عَنِ الْقَوْسِ (میں نے کمان سے تیر پھینکا )۔ 

باء (ساتھ):

     یہ اکثراستعانت کیلئے استعمال ہوتاہے۔ جیسے کَتَبْتُ بِالْقَلَمِ ( میں نے قلم کی مدد سے لکھا يا میں نے قلم سے لکھا) ۔

کافٍ (طرح):

     یہ حرف تشبیہہ کیلئے آتاہے۔ جیسے زَیْدٌ کَالْقَمَرِ (زید چاند کی طرح ہے) ۔

لام (لئے):

    یہ اکثر ملکیت کیلئے استعمال ہوتاہے اور کبھی قسم کیلئے بھی آتاہے۔ جیسے ھٰذَا الْمَالُ لِزَیْدٍ (یہ مال زید کیلئے ہے یایہ زید کا ما ل ہے)،لِلّٰہِ(اللہ کی قسم)۔

خلا،عدا، حاشا(علاوہ):

    یہ مابعد کو ماقبل کے حکم سے خارج کرنے کیلئے آتے ہیں۔ جیسے جَاءَ نِیَ الْقَوْمُ خَلاَ وَعَدَا وَحَاشَا زَیْدٍ (میرے پاس زید کے علاوہ ساری قوم آئی)۔ 

مُذْ ومُنْذُ:

     یہ مدت بیان کرنے کیلئے آتے ہیں ۔ جیسے مَارَأَیْتُہ، مُذْ وَمُنْذُ سَنَۃٍ (میں نے اسے

ایک سال سے نہیں دیکھا) ۔

رُبَّ(کم،بھت زیادہ):

     یہ کمی یازیادتی بیان کرنے کیلئے آتا ہے۔ کمی کے معنی کیلئے:جیسے رُبَّ لِصٍّ یُؤْخَذُ  (کم ہی چور پکڑے جاتے ہیں)۔ زیادتی کے معنی کیلئے: جیسے رُبَّ مَرِیْضٍ یَشْفِیْ (کتنے ہی مریض شفا یاب ہو جاتے ہیں)۔ 

واؤ ،تاء: 

یہ دونوں قسم کیلئے آتے ہیں۔وَاللہِ ،تَاللہِ (اللہ عزوجل کی قسم)۔

مکمل مضمون پڑھیں

مشق

سوال نمبر1:۔مندرجہ ذیل جملوں میں بتائیے کہ کہاں فا ء کا لانا واجب ،کہاں جائز اور کہاں نا جائز ہے؟

    ۱۔اِنْ یَّسْرِقْ فَقَدْ سَرَقَ أَخٌ لَہٗ۔۲۔اِنْ تَوَلَّیْتُمْ فَمَا سَأَلْتُکُمْ مِنْ أَجْرٍ۔۳۔فَاِنْ تَابَا وَأَصْلَحَا فَأَعْرِضُوْاعَنْھُمَا۔۴۔مَنْ تَشَبَّہَ بِقَوْمٍ فَھُوَ مِنْھُمْ۔۵۔مَنْ جَاءَ بِالسَّیِّئَۃِ فَلاَ یُجْزٰی اِلاَّ مِثْلَھَا۔۶۔مَنْ لَمْ یَشْکُرِ النَّاسَ لَمْ یَشْکُرِ اللہَ۔۷۔اِنْ أَحْسَنْتُمْ أَحْسَنْتُمْ لِأَنْفُسِکُمْ۔ ۸۔ مَنْ لَمْ یَسْئَلِ اللہَ یَغْضَبْ عَلَیْہِ۔

مکمل مضمون پڑھیں

۔۔۔۔۔ شرط وجزاء کابیان۔۔۔۔۔

    شرط وجزاء کے اندر دوجملے ہوتے ہیں جن میں سے پہلا ہمیشہ فعلیہ ہوتا ہے اوردوسرا کبھی فعلیہ اورکبھی اسمیہ ،شرط وجزاء کے باب میں دو امور کا جاننابہت ضروری ہے۔ 

۱۔ شرط وجزاء کے اعراب ۲۔ جزاء پر فاء کے لانے یا نہ لانے کی صورتیں ۔

۱۔شرط وجزاء کے اعراب:

    ۱۔ جب شرط وجزاء دونوں فعل مضارع ہوں تو دونوں پر جزم واجب ہے۔ جیسے اِنْ ُتکرْمْنِی أُکْرِمْکَ  (اگر تومیری تعظیم کریگا تو میں بھی تیری تعظیم کروں گا) ۔      

    ۲۔اور اگر صرف شرط مضارع ہو تو شرط پر جزم واجب ہے جیسے اِنْ تَعْمَلْ عَمِلْتُ (اگر تو کریگا تو میں کروں گا) ۔

    ۳۔ اور اگر شرط فعل ماضی اور جزاء فعل مضارع ہو تو فعل مضارع پر جزم اور رفع دونوں جائز ہیں۔ جیسے اِنْ عَمِلْتَ أَعْمَلُ یا اَعْمَلْ

 (اگر تو کرے گا تو میں کروں گا) ۔

جزاء پر فا ء کے لانے یا نہ لانے کی صورتیں

    جزاء پر بعض صورتوں میں فاء کا لانا واجب ، بعض صورتوں میں جائز اور بعض صورتوں میں ناجائز ہے۔ پہلے ہم وجوب کی صورتیں ذکر کرتے ہیں۔ 

وجوب کی صورتیں:

   ۱۔جب جزاء جملہ اسمیہ ہو جیسے :

( وَمَنۡ یَّقْتُلْ مُؤْمِنًا مُّتَعَمِّدًا فَجَزَآؤُہٗ جَہَنَّمُ  )

ترجمہ کنزالایمان: '' جو کوئی مسلمان کو جان بوجھ کر قتل کرے تو اس کا بدلہ جہنم ہے''۔

    ۲۔جب جملہ انشائیہ جزاء بن رہا ہو۔جیسے:  ( وَاِنْ کُنْتُمْ جُنُبًا فَاطَّھَرُوْا) ترجمہ کنز الایمان:''اور اگر تمہیں نہانے کی حاجت ہو تو خوب ستھرے ہولو ''۔

    ۳۔ جب فعل ماضی قَدْ کے ساتھ جزاء بن رہاہو ۔جیسے :  (مَنْ یُّطِعِ الرَّسُوْلَ فَقَدْ أَطَاعَ اللّٰہَ ) ترجمہ کنز الایمان: ''جس نے رسول کا حکم مانا بیشک اس نے اللہ کا حکم مانا''۔ 

    ۴۔ جب فعل مضارع منفی بغیر لا(۱) جزا ء بن رہا ہویا اس سے پہلے سین یا سَوْفَ آجائے ۔جیسے  (وَمَنْ یَبْتَغِ غَیْرَ الْإِسْلَامِ دِینًا فَلَنْ یُقْبَلَ مِنْہٗ) ترجمہ کنزالایمان:''اور جو اسلام کے سوا کوئی دین چاہے گا وہ ہرگز اس سے قبول نہ کیا جائے گا''۔  ( وَإِنْ خِفْتُمْ عَیْلَۃً فَسَوْفَ یُغْنِیکُمُ اللّٰہُ مِنْ فَضْلِہ) ترجمہ کنزالایمان:''اور اگر تمہاری محتاجی کا ڈر ہے تو عنقریب اللہ تمہیں دولت مند کردے گا اپنے فضل سے ''۔ 

جواز کی صورتیں:

    جب فعل مضارع''مثبت ''یا ''منفیِ بلا ''جزاء بن رہا ہو تو دونوں صورتیں جائز ہیں یعنی فائکو داخل کرنا اور نہ کرنا ۔(مضارع مثبت کی مثال) اِنْ یَّضْرِبْ فَأَضْرِبْ اور أَضْرِبْ۔ (مضارع منفی بلا کی مثال) اِنْ یَّضْرِبْ فَلاَ أَضْرِبْ اور لاَ أَضْرِبْ بھی جائز ہے۔

عدم جواز کی صورتیں:

    ۱۔ جب ماضی بغیر قَدْ کے جزاء بن رہاہو۔ جیسے اِنْ کَلَّمْتَنِی کَلَّمْتُکَ (اگر تومجھ سے بات کریگا تو میں بھی تجھ سے بات کروں گا )

    ۲۔ جب مضارع منفی بلم جزاء بن رہا ہو ۔جیسے مَنْ یَّسْرِقْ لَمْ یَنْجَحْ (جو چوری کر یگا وہ کامیاب نہیں ہوگا)

1 ۔۔۔۔۔۔ یعنی فعل مضارع پر لا کے علاوہ کوئی اور حرف نفی داخل ہو۔جیسے ما اور لن۔

مکمل مضمون پڑھیں

مشق

سوال نمبر1:۔مندرجہ ذیل جملوں میں استعمال ہونے والے اسمائے کنایہ میں سے مبھم عدد اور مبھم بات کے لئے استعمال ہونے والے اسمائے کنایہ الگ الگ کریں ۔

    ۱۔ضَرَبْتُ زَیْدًا کَذَا وَکَذَا ضَرْبَۃً۔۲۔وَاللہِ لأَفْعَلَنَّ کَذَا ۔۳۔کَمْ مِنْ فِئَۃٍ قَلِیلَۃٍ غَلَبَتْ فِئَۃً کَثِیرَۃً بِإِذْنِ اللہِ ۴۔وَکَأَیِّنْ مِنْ غَنِی لَا یَقْنَعُ۔۵۔کَانَ الْأمْرُ کَیْتَ وکیتَ۔۶۔بِکَمْ دِرْہَمًا اِشْتَرَیْتَ ہٰذَا ؟۷۔ اِشْتَرَیْتُہ، بِکَذَا دِرْہَمًا۔۸۔کَمْ رِجْلاً لَکَ؟

سوال نمبر2:۔ مندرجہ بالا جملوں کا ترجمہ کریں۔

مکمل مضمون پڑھیں

۔۔۔۔۔ اسمائے کنایہ کا بیان۔۔۔۔۔

اسمائے کنایہ کی تعریف:

    وہ اسماء جو کسی چیز پر اشارۃً دلالت کریں۔ ان کو اسمائے کنایہ کہا جاتاہے۔

اسمائے کنا یہ کی دوقسمیں ہیں

۱۔ عدد مبھم کیلئے استعمال ہونے والے     ۲۔ مبھم بات کیلئے استعمال ہونے والے

(۱)۔ عدد مبھم کیلئے استعمال ہونے والے اسمائے کنایات

    ۱۔وہ اسما ئے کنایہ جو عددمبھم سے کنایہ کرنے کیلئے استعمال ہوتے ہیں ۔وہ تین ہیں۔ 

۱۔کَمْ     ۲۔کَذَا     ۳۔کَأَیِّنْ 

*۔۔۔۔۔۔۱۔کم :

    اس کی دوقسمیں ہیں ۔     ۱۔ استفہامیہ     ۲۔خبریہ 

۱۔کم استفہامیہ:

    وہ کَمْ جس کے ذریعے کسی عدد کے بارے میں سوال کیا جائے ۔جیسے کَمْ رَجُلاً عِنْدَکَ؟ (تیرے پاس کتنے آدمی ہیں؟) 

۲۔کم خبریہ:

    وہ کَمْ جس کے ذریعے کسی عدد کے بارے میں خبر دی جائے جیسے کَمْ کُتُب دَرَسْتُ (میں نے بہت سی کتابیں پڑھیں) ۔

فائدہ:

    کم کے بعد آنےوالا اسم تمییزکہلاتا ہے۔

کَمْ استفہامیہ اور کَمْ خبریہ کی تمییز کے اعراب

کم استفہامیہ کی تمییز کے اعراب:

    کَمْ استفہامیہ کی تمییز مفرد اور منصوب ہوتی ہے۔ جیسے کَمْ رَجُلاً ضَرَبْتَ ؟ (تو نے کتنے آدمیوں کو مارا ؟) 

فائدہ:

     کَمْ استفہامیہ کی تمییز کو کسی قرینے کے پائے جانے کی صورت میں حذف کرنا بھی جائز ہے ۔جیسے کَمْ مَالُکَ ؟ اصل میں کَمْ دِرْھَمًا مَالُکَ ؟ تھا یعنی (تیرا مال کتنے درھم ہے؟)یہاں پر قرینہ یہ ہے کہ کَمْ استفہامیہ کے بعد اس کی تمییز منصوب آتی ہے جوکہ یہاں نہیں ہے تواس سے معلوم ہواکہ اس کی تمییز محذوف ہے۔ 

کم خبریہ کی تمییز کے اعراب:

    اس کی تمییز نکرہ اور مجرور ہوتی ہے، کبھی تو مضاف الیہ ہونے کی وجہ سے مجرور ہوگی اورکبھی حرف جر مِنْ کی وجہ سے ۔جیسے کَمْ کِتَابٍ رَأَیْتُ  (میں نے بہت سی کتابیں دیکھیں) اور

کَمْ مِنْ کِتَابٍ رَأَیْتُ

(میں نے بہت سی کتابیں دیکھیں) ۔

فائدہ:

     کَمْ خبریہ کی تمییز مفرد اور جمع دونوں طرح آسکتی ہے۔ جیسے کَمْ عِلْمٍ تَعَلَّمْتُ، کَمْ عُلُوْمٍ تَعَلَّمْتُ۔

کم استفہامیہ اورکم خبریہ کی پہچان کا طریقہ 

کم استفہامیہ کی پہچان کا طریقہ: 

    ۱۔ اس کی تمییز منصوب ہوگی۔

    ۲۔ اس کے ذریعے سوال کیا گیا ہو گا۔

    ۳۔ اس کے بعد اکثر مخاطب کا صیغہ یا مخاطب کی ضمیر آتی ہے۔ 

کم خبریہ کی پہچان کا طریقہ:

    ۱۔ اس کی تمییز مجرور ہوگی۔

    ۲۔ اس کے ذریعے کوئی خبر دی گئی ہو گی۔

    ۳ ۔اس کے بعد اکثر متکلم کا صیغہ یا متکلم کی ضمیر آتی ہے۔ 

*۔۔۔۔۔۔۲۔کَذَا:

    یہ عدد کثیر اور قلیل دونوں سے کنایہ کرنے کے لیے استعمال ہوتاہے ۔جیسے زُرْتُ کَذَا عَالِمًا  (میں نے اتنے عالموں کی زیارت کی) ۔

کذا کی تمییز کے اعراب :

    کَذَاکی تمییز ہمیشہ مفرد منصوب ہوتی ہے ۔

فائدہ :

    ۱۔کَذَا اکیلابھی استعمال ہوتا ہے اور کبھی تکرار کےساتھ بھی ۔جیسے ضَرَبْتُ کَذَا وَکَذَا رَجُلاً (میں نے اتنے اتنے مردوں کو مارا)۔

فائدہ:

    ۲۔کَذَا کا ابتدا ئے کلام میں آنا ضروری نہیں۔

ز۔۔۔۔۔۔۳۔کَأیِّنْ :

    اس کے ذریعے عدد کثیر کے بارے میں خبر دی جاتی ہے۔ 

کَأیِّنْ کی تمییز کے اعراب :

    اس کی تمییز مفرد اورحرف جار مِنْ کے ساتھ مجرور ہوتی ہے۔ جیسے کَأیِّنْ من دابَّۃٍ لا تَحْمِلُ رِزْقَہا (اور کتنے ہی ایسے جاندارہیں جواپنے رزق کو جمع نہیں کرتے ) ۔

فائدہ:

    کَمْ اور کَأَیِّنْ کا ابتدائے کلام میں آنا ضروری ہے۔

(۲)۔کسی مبھم بات کے لئے استعمال ہونے والے اسمائے کنایہ 

    وہ اسماء جو کسی مبھم بات سے کنایہ کرنے کے لئے استعمال ہوتے ہیں ۔وہ دو ہیں (۱)کَیْتَ (۲)ذَیْتَ ۔

کَیْتَ و ذَیْتَ کی تمییز کے اعراب:

    کَیْتَ وَ ذَیْتَ کی تمییز ہمیشہ منصوب اور مفرد ہوتی ہے ۔

کَیْتَ و ذَیْتَ کا استعمال:

    یہ دونوں واؤ عطف اور تکرار کے ساتھ استعمال ہوتے ہیں ۔جیسے قُلْتُ کَیْتَ وَذَیْتَ حَدِیْثًا۔  (میں نے فلاں فلاں بات کی)۔ قُلْتُ کَیْتَ وَ کَیْتَ حَدِیْثًا  (میں نے فلاں فلاں بات کی)۔ قُلْتُ ذَیْتَ وَ ذَیْتَ حَدِیْثًا  (میں نے فلاں فلاں بات کی)۔

ترکیب: کَمْ کِتَابًا عِنْدَکَ 

     کَمْ ممیز کِتَابًا تمییز، ممیز تمییزملکر مبتدا ۔عِنْدَ مضاف کَ ضمیر مضاف الیہ۔ مضاف مضاف الیہ سے ملکر ثَابِتٌ کا متعلق ثَابِتٌ اسم فاعل اپنے ھُوَ ضمیر فاعل اور متعلق سے ملکر خبر۔ مبتدأ خبر ملکر جملہ اسمیہ انشائیہ۔

ترکیب : سَمِعْتُ کَذَا وَکَذَا حَدِیْثًا

     سَمِعْتُ فعل تُ ضمیر اسکا فاعل کَذَا اسم کنایہ معطوف علیہ واؤ عاطفہ کَذَا اسم کنایہ معطو ف ، معطوف معطوف علیہ ملکر ممیز ،حَدِیْثًا تمییز ،ممیز تمییز ملکر مفعول بہ ،فعل اپنے فاعل اور مفعول بہ سے ملکر جملہ فعلیہ خبریہ ۔

فائدہ :

     کَیتَ اور ذَیْتَ کی ترکیبیں بھی کَذَا کی طرح ہيں ۔

مکمل مضمون پڑھیں

مشق

سوال1:۔مندرجہ ذیل جملوں میں موجود اسمائے موصولہ اور صلہ کی پہچان کریں۔

    ۱۔جَاءَ الَّذِیْ ضَرَبَکَ۔۲۔رَأَیْتُ الرَّجُلَ الَّذِیْ یُصَلِّیْ ۔۳۔أَرَأَیْتَ الَّـذِیْ یُکَذِّبُ بِالدِّیْنِ۔۴۔مَنِ الَّذِیْ لَقِیْتَہ،۔۵۔ مَا تَفْعَلْ أَفْعَلْ ۔۶۔أَیُّ شَئْیٍ تَأْخُذْ اٰخُذْ۔ ۷۔فَانْکِحُوْا مَاطَابَ لَکُمْ مِنَ النِّسَاءِ ۔۸۔مَنْ ذَا الَّذِیْ یَشْفَعُ ۔۹۔یَا أَیُّھَاالَّذِیْنَ اٰمَنُوْا صَلُّوْا عَلَیْہٖ وَسَلِّمُوْا تَسْلِیْمًا۔۱۰۔أَلَّذِیْ خَلَقَ سَبْعَ سَمٰوٰاتٍ طِبَاقًا۔ ۱۱۔اِدْفَعْ بِالَّتِیْ ھِیْ أَحْسَنُ ۔۱۲۔مَنْ ضَحِکَ ضُحِکَ ۔۱۳۔سُئِلَ النبی صلی اللہ تعالی علیہ وسلم اَیُّ الْاَعْمَالِ اَحَبُّ اِلَی اللہِ ؟ قَالَ الصَّلٰوۃُ لِوَقِتِھَا، قُلْتُ ثُمَّ اَیٌّ ؟ قَالَ بِرُّالْوَالِدَیْنِ ، قُلْتُ ثُمَّ أَیٌّ ؟ قَالَ الْجِھَادُ فِیْ سَبِیْلِ اللہِ ۔

سوال2:۔مذکورہ بالا جملوں میں موجود اسمائے موصولہ کو پہچانئے کہ مذکر کے لئے ہیں یا مؤنث کے لئے نیز یہ بھی بتائیں کہ یہ ذوی العقول کے لئے ہیں یا غیر ذوی العقول کے لئے؟

سوال 3:۔ مندرجہ بالا جملوں کی ترکیب کریں ۔

مکمل مضمون پڑھیں

۔۔۔۔اسمائے موصولہ کا بیان۔۔۔۔

    وہ اسماء جو جملے کااکیلے جزء نہ بن سکیں بلکہ اپنے مابعد جملے سے ملکر کسی جملے کاجزء بنیں ایسے اسماء کو اسمائے موصولہ کہاجاتاہے۔ ان اسماء کے بعد جملہء خبریہ ہوتاہے اور اس کو اسم موصول کا صلہ کہتے ہیں۔ جیسے جَاءَ الَّذِیْ نَصَرَنِیْ  ( وہ شخص آیا جس نے میری مدد کی) ۔اس مثال میں اَلَّذِیْ اسم موصول ہے اور نَصَرَنِیْ پورا جملہ فعلیہ اس کا صلہ ہے، موصول اور صلہ دونوں ملکر جَاءَ کا فاعل ہیں۔ اکیلا اَلَّذِیْ ماقبل جملے کا جزء نہیں بن سکتا۔ 

ترکیب: جَاءَ الَّذِیْ نَصَرَنِیْ

     جَاءَ فعل اَلَّذِیْ اسم موصول نَصَرَفعل ھُوَ ضمیر فاعل نون وقایہ ی ضمیر مفعول بہ نَصَرَ فعل ھُوَ ضمیر فاعل اور مفعول بہ سے ملکر جملہ فعلیہ ہو کر اَلَّذِیْ اسم موصول کا صلہ ، موصول صلہ ملکر جَاءَ کا فاعل، فعل فاعل ملکر جملہ فعلیہ ۔

اسمائے موصولہ :

مذکر کے لئے:

حالت رفعی حالت نصبی وجری ترجمہ صیغہ

أَلَّذِیْ أَلَّذِیْ وہ جویا اس کو جو واحد مذکر کیلئے

أَلَّذَانِ أَلَّذَیْنِ وہ(دو)جو ، یا ان(دو) کوجو تثنیہ مذکر کیلئے 

أَلَّذِیْنَ أَلَّذِیْنَ وہ(سب)جو ، یا ان (سب)کو جو جمع مذکر کیلئے 

أَلْاُلیٰ أَلاُلیٰ وہ(سب)جو ، یا ان (سب)کو جو جمع مذکر کیلئے 

مونث کیلئے:

حالت رفعی حالت نصبی وجری ترجمہ صیغہ

اَلَّتِیْ اَلَّتِیْ وہ جو، یا اس کو جو واحد مونث

اَلَّتَانِ اَلَّتَیْنِ وہ(دو)جو ، یا ان(دو)کوجو تثنیہ مونث

اَلاّٰتِیْ اَلاّٰتِیْ وہ(سب)جو، یا ان (سب)کو جو جمع مونث کیلئے 

اَلَّوَاتِیْ اَلَّوَاتِیْ وہ(سب)جو ، یا ان (سب)کو جو جمع مونث کیلئے 

مذکر ومونث دونوں کیلئے :

حالت رفعی حالت نصبی وجری ترجمہ صیغہ

مَنْ مَنْ وہ جویا اس کو جو یا ان کو جو واحد تثنیہ جمع مذکر ومونث کیلئے 

مَا مَا وہ جویا اس کو جو یا ان کو جو واحد تثنیہ جمع مذکر ومونث کیلئے 

ایٌّ اَیًّا،ایٍّ وہ جو یاکون،(ذوی العقول کیلئے ) واحد تثنیہ جمع مذکرومونث کیلئے 

الف لام بمعنی اَلَّذِیْ(جبکہ اسم فاعل ومفعول پر داخل ہو) وہ جویا اس کو جو واحد،تثنیہ،جمع مذکرو مؤنث کے لئے

ذُوْ بمعنی اَلَّذِی وہ جویا اس کو جو ۔۔۔۔۔۔۔۔۔۔۔۔

اسم موصول کے چند ضروری قواعد:

    * ۱۔۔۔۔۔۔اسم موصول کیلئے صلہ کی ضرورت ہوتی ہے۔صلہ کی تین اقسام ہیں ۔ 

۱۔ جملہ اسمیہ     ۲۔ جملہ فعـلیہ    ۳۔ ظرف

۱۔جملہ اسمیہ:

    جیسے أَکَلَ الرَّجُلُ الَّذِیْ ھُوَ جَائِعٌ  (اس مثال میں اَلَّذِیْ کا صلہ جملہ اسمیہ ہے)۔ 

۲۔جملہ فعلیہ:

    جیسے اُعْبُدُوْا رَبَّکُمُ الَّذِی خَلَقَکُمْ  (اس مثال میں الذی کا صلہ جملہ فعلیہ ہے)۔

۳۔ظرف :

    جیسے أَقْبَلَ الرَّجُلُ الَّذِیْ فِیْ بَیْتِیْ  (اس مثال میں الذی کا صلہ ظرف ہے)۔ 

    * ۲۔۔۔۔۔۔جو جملہ اسم موصول کا صلہ بن رہا ہو اس میں ایک ایسی ضمیر کا ہونا ضروری ہے جواسم موصول کی طرف لوٹے اور واحد، تثنیہ، جمع،مذکر اور مونث ہونے میں اسم موصول کے مطابق ہو، اس ضمیر کو ضمیر عائد کہتے ہیں،اور اگر صلہ ضمیر سے شروع ہورہا ہو تو اس ضمیر کو صدرِ صلہ کہتے ہیں ۔ جیسے مذکورہ بالا مثال  (الَّذِیْ ھُوَ جَائِعٌ) میں ھُوَ صدرِ صلہ ہے نیز یہی ضمیراسم موصول الَّذِیْ کی طرف لوٹ رہی ہے اور مفرد و مذکر ہونے میں اسم موصول کے مطابق ہے۔

    *۳۔۔۔۔۔۔ ضمیر عائد جب مفعول بہ بن رہی ہوتواسے حذف کرنا جائز ہے۔جیسے عَلَّمَ الْانْسَانَ مَا لَمْ یَعْلَمْ (یَعْلَمْہ،)۔

    * ۴۔۔۔۔۔۔ اسم فاعل و مفعول پر آنے والا الف لام اَلَّذِیْ کے معنی میں استعمال ہوتا ہے جیسے اَلضَّارِبُ بمعنی اَلَّذِیْ ضَرَبَ یا اَلَّذِیْ یَضْرِبُ اور اَلْمَضْرُوْبُ بمعنی اَلَّذِیْ ضُرِبَ یا اَلَّذِیْ یُضْرَبُ ۔

    *۵۔۔۔۔۔۔ أَیٌّ،اور أَیَّۃٌ معرب ہیں۔ صرف ایک صورت میں مبنی ہوتے ہیں، جب یہ مضاف ہوں اورصدرِ صلہ مذکور نہ ہو۔ جیسے جَاءَ نِیْ أَیُّھُمْ قَائِمٌ حالت رفعی ، رَأَیْتُ أَیُّھُمْ قَائِمٌ حالت نصبی اور مَرَرْتُ بَأَیُّھُمْ قَائِمٌ حالت جر ی میں۔

چند ترکیبی قواعد:

    ۱۔ اسم موصول اپنے صلے سے ملکر کبھی فاعل ،کبھی مفعول بہ اورکبھی مبتدا و خبر واقع ہوتاہے۔فاعل کی مثال: جَاءَ مَنْ یَّسْکُنُ فِیْ الْمَدِیْنَۃِ (وہ شخص آیا جو مدینہ میں رہتا ہے)۔ مفعول بہ کی مثال: رَأَیْتُ مَنْ مَّاتَ فِی الصَّحْرَاءِ  (میں نے اس شخص کو دیکھا جو صحراء میں مرا) ۔مبتدا کی مثال:۔ اَلَّذِیْ فِی الْمَسْجِدِ ھُوَ زَیْدٌ  ( وہ جو مسجد میں ہے وہ زیدہے) خبر کی مثال:۔ ہُوَ الَّذِی أَرْسَلَ رَسُولَہٗ بِالْہُدَی وَدِینِ الْحَقّ۔

    ۲۔ اگر اسم موصول کے بعد جار مجرور آجائیں توجار مجرور کو کسی فعل مقدر کے متعلق کر کے صلہ بنائیں گے اور اکثر ثَبَتَ فعل مقدر نکالتے ہیں ۔ جیسے جَاءَ الَّذِی (ثَبَتَ) فِی الدَّارِ۔

ترکیب : جَاءَ الَّذِیْ فِی الدَّارِ

    جَاءَ فعل اَلَّذِیْ اسم موصول فِیْ جار اَلدَّارِ مجرور ،جار مجرور ملکر فعل مقدر ثَبَتَ کے متعلق ،ثَبَتَ فعل اس میں ھُوَ ضمیر فاعل ،فعل اپنے فاعل اور مُتَعَلِّق سے ملکر جملہ فعلیہ ہو کر صلہ، موصول صلہ ملکر جَاءَ کا فاعل ،فعل فاعل ملکر جملہ فعلیہ ۔

    ۳۔ اگر اسم موصول کے بعد ظرف ہو تو فعل مقدر کا مفعول فیہ بناکر صلہ بنائیں گے۔ جیسے رَأَیْتُ الَّذِیْ اَمَامَکَ  ( میں نے اس شخص کو دیکھا جو تیرے سامنے تھا) ،اس میں اَمَامَکَ کو ثَبَتَ فعل مقدر کا مفعول فیہ بناکر اس جملے کو صلہ بنائیں گے۔

مکمل مضمون پڑھیں

مشق

سوال1:۔مندرجہ ذیل جملوں میں موجود اسمائے اشارہ اور مشار الیہ کی پہچان کریں ۔

    ۱۔ھٰذَا الْغُلاَ مُ عَجِیْبٌ ۔۲۔ھٰذَانِ الْکِتَابَانِ مُفِیْدَانِ۔۳۔ذَالِکَ فَضْلُ اللہِ۔۴۔اُوْلۤئِکَ عَلٰی ھُدًی مِّنْ رَّبِّھِمْ۔ ۵۔ھٰذَا شَجَرٌ۔۶۔ھٰتَانِ الْمَرْأَتَانِ أُخْتَانِ۔۷۔ھٰذِہٖ دَجَاجَۃٌ۔۸۔ذَالِکُمْ خَیْرٌ لَّکُمْ ۔۹۔ذَالِکَ الْکِتَابُ لاَرَیْبَ فِیْہِ۔۱۰۔تِلْکَ عَشْرَۃٌ کَامِلَۃٌ۔ ۱۱۔قَالَ ھٰئُولآءِ بَنَاتِیْ اِنْ کُنْتُمْ فَاعِلِیْنَ۔۱۲۔اِنَّا ھٰھُنَا قَاعِدُوْنَ

سوال2:۔مندرجہ بالا اسمائے اشارہ کو پہچانیں کہ یہ قریب ،بعید یا متوسط میں سے کس کے لئے ہیں ؟ نیز یہ بھی بتائیں کہ مذکر کے لئے ہیں یا مؤنث کے لئے ؟

مکمل مضمون پڑھیں

۔۔۔۔۔اسمائے اشارہ کا بیان ۔۔۔۔۔

اسمائے اشارہ کی تعریف:

    ایسے اسماء جنہیں کسی چیز کی طرف اشارہ کرنے کیلئے وضع کیا گیا ہو ان کو اسمائے اشارہ کہتے ہیں۔ اورجس چیز کی طرف اشارہ کیا جائے اس کو مشارٌاِلَیْہ کہتے ہیں۔ جیسے ھٰذَا الْقَلَمُ نَفِیْسٌ (یہ قلم نفیس ہے)۔ اس مثال میں ھٰذَا اسم ِ اشارہ ہے اور اَلْقَلَمُ مشارٌالیہ ہے۔ مشارٌالیہ کیلئے ضروری ہے کہ وہ نظر آئے اور محسوس ہو۔ اگر ایسی چیز کی طرف اشارہ ہورہا ہو جومحسوس مبصر نہ ہو وہاں اسمائے اشارات کا استعمال مجازاً ہوتاہے۔

اسمائے اشارہ:

ذَا یہ ایک مرد ذَانِ، ذَیْنِ یہ دو مرد 

تَا یہ ایک مرد تِیْ یہ ایک عورت

تِہْ یہ ایک عورت ذِہٖ یہ ایک عورت

ذِھِیْ ، تِہِیْ یہ ایک عورت تَانِ،تَیْنِ یہ دو عورتیں

اَوْلاَء یہ سب مرد یاسب عورتیں اُولیٰ یہ سب مرد یا سب عورتیں 

اسم اشارہ کے استعمال کی تین صورتیں ہیں ۔ 

    ۱۔ اگر اسمائے اشارہ لاَمْ اورکَافْ دونوں سے خالی ہوں تو یہ قریب کیلئے استعمال

ہونگے۔ جیسے ھٰذَا ۔ھٰذَانِ وغیرہ

    ۲۔ اگر ان کے آخر میں حرف کَافْ ہو تویہ متوسط کیلئے ہوتے ہیں۔جیسے ذَاکَ، ذَاکُمَا وغیرہ ۔

    ۳۔ اگر ان کے آخر میں لام اور کاف دونوں آجائیں تو یہ بعید کیلئے استعمال ہوتے ہیں۔ جیسے ذَالِکَ ، ذَالِکُمَا وغیرہ 

چند فوائد :

    ۱۔ ثَمَّ ۔ یہ بھی اسم اشارہ ہے اور اس کے ذریعے صرف کسی مکان کی طرف اشارہ کیا جاسکتاہے۔ جیسے  ( أَیْنَمَا تُوَلُّوْا فَثَمَّ وَجْہُ اللّٰہِ ) ترجمہ کنزالایمان:''تم جدھر منہ کرو ادھر وجہ اللہ (خدا کی رحمت تمہاری طرف متوجہ)ہے''۔

    ۲۔ ھُنَا، ھٰھُنَا بمعنی( یہاں)۔یہ دونوں کسی مکان قریب کی طرف اشارہ کرنے کیلئے استعمال ہوتے ہیں۔     

    ۳۔ ھُنَاکَ بمعنی (وہاں)یہ کسی مکان متوسط کی طرف اشارہ کرنے کیلئے استعمال ہوتا ہے۔ 

    ۴۔ھُنَالِکَ بمعنی( وہاں) یہ مکان بعید کی طرف اشارہ کرنے کیلئے استعمال ہوتا ہے۔ 

    ۵۔اسم اشارہ کے شروع میں جو ھَاہوتی ہے وہ تنبیہ کیلئے ہوتی ہے اور یہ مخاطب کو اپنی طرف متوجہ کرنے کیلئے لگائی جاتی ہے۔ جیسے ذَا سے ھٰذَا ۔

    ۶۔ اسم اشارہ کے آخر میں آنے والا کاف ضمیر کا کاف نہیں ہوتا بلکہ خطاب کا کاف ہوتاہے۔ اور مخاطب کے افراد پردلالت کیلئے آتاہے۔ یعنی بتاتاہے کہ مخاطب واحد ، تثنیہ یاجمع ہے۔

چند ترکیبی قواعد:

    ۱۔ اگر اسم اشارہ کے بعد کوئی اسم نکرہ آجائے تواسمِ اشارہ کو مبتدا اوراسم نکرہ کوخبر بنائیں گے ۔جیسے ھٰذَا کِتَاٌب ( یہ کتاب ہے) ، ھٰذَا اسم اشارہ مبتدا ،کِتَاٌب اس کی خبر مبتدا خبر ملکر جملہ اسمیہ ۔

    ۲۔ اگر اسم اشارہ کے بعد کوئی اسم معرف باللام آجائے تو اس کی تین طریقوں سے ترکیب ہوسکتی ہے۔ 

    ٭۱۔۔۔۔۔۔ اسم اشارہ کو موصوف بنائیں اورمعرف باللام کو صفت ۔ جیسے ھٰذَاالْقَلَمُ طَوِیْلٌ کی ترکیب اس طرح کریں گے۔ ھٰذَا اسم اشارہ موصوف اَلْقَلَمُ صفت، موصوف صفت ملکر مبتدا، طَوِیْلٌ خبر،مبتدا خبرملکر جملہ اسمیہ ۔

    ٭۲۔۔۔۔۔۔اسم اشارہ کو مبین اور معرف باللام کوعطف بیان بنائیں ۔ اس صورت میں ھٰذَاالْقَلَمُ طَوِیْلٌ کی ترکیب یوں کریں گے۔ ھٰذَا اسم اشارہ مبین اَلْقَلَمُ عطف بیان ،مبین عطف بیان ملکر مبتدا، طَوِیْلٌ اسکی خبر، مبتدا خبر ملکر جملہ اسمیہ ۔

    ٭۳۔۔۔۔۔۔اسم اشارہ کو مبدل منہ اور معرف باللام کو بدل بنالیں۔ جیسے ھٰذَا الْقَلَمُ طَوِیْلٌ، ھٰذَا اسم اشارہ مبدل منہ ، اَلْقَلَم بدل ،مبدل منہ بدل سے ملکر مبتدا ، طَوِیْلٌ خبر، مبتدا خبر سے ملکر جملہ اسمیہ ۔

    اسم اشارہ کے بعد معرف باللام ہوتو وہی اس کا مشارالیہ ہوگا۔ کوئی اور مشار الیہ تلاش کرنے کی ضرورت نہیں اگرچہ معرف باللا م کو ترکیب میں صفت ،مبدل منہ یاعطف بیان کا نام دیں ۔

مکمل مضمون پڑھیں

مشق

سوال1:۔مندرجہ ذیل جملوں میں موجود ضمائر کی پہچان کریں کہ یہ کونسی قسم سے تعلق رکھتی ہیں؟ اور ترجمہ بھی کریں۔

    ۱۔ھُوَ قَائِمٌ۔۲۔زَیْدٌ ضَرَبَ۔۳۔جِئْتُ۔۴۔رَأَیْتَ ۔۵۔ضَرَبَنِیْ۔۶۔اِنَّہ، ھُوَ السَّمِیْعُ الْعَلِیْمُ ۔۷۔کَانَ عَالِمًا۔۸۔اِھْدِنَا الصِّرَاطَ الْمُسْتَقِیْمَ ۔۹۔اِیَّاکَ نَعْبُدُ۔ ۱۰۔کِتَابُہ، مُفِیْدٌ۔۱۱۔مَرَرْتُ بِہٖ ۔۱۲۔نَظَرْتُ اِلٰی وَجْھِہٖ۔۱۳۔أَکْرَمَ الأُسْتَاذَ۔ ۱۴۔لاَ أَعْبُدُ مَا تَعْبُدُوْنَ۔۱۵۔لَمْ یَلِدْ۔۱۶۔أَنَا مُسْلِمٌ۔ ۱۷۔اِنِّیْ رَسُوْلُ اللہِ اِلَیْکُمْ۔۱۸۔جَلَسْنَا حَوْلَ الْمَائِدَۃِ ۔۱۹۔أَطْعَمَنَا اللہُ۔ ۲۰۔ضَرَبْتُکَ۔۲۱۔نَحْنُ نَذْھَبُ ۔۲۲۔ رَبُّنَا اللہُ ۔۲۳۔مَا ضَرَبَ اِلاَّ ھُوَ ۔۲۴۔کَلَّمْتُہ،۔۲۵۔عَجِبْتُ مِنْکُمْ۔۲۶۔جَاءَ نِیْ زَیْدٌ وَ بَکْرٌ ھُمَا أَخَوَانٌ۔ ۲۷۔عَنِ النَّبِی صلی اللہ علیہ وسلم أَنَّـہ، قَالَ : عَجِبْتَ لِاَمْرِالْمُؤْمِنِ ، أَمْرُہ، کُلُّہ، خَیْرٌلَہٗ اِنْ أَصَابَہ، خَیْرٌ فَشَکَرَ کانَ خَیْرًا لہ، ، واِنْ أَصابَہ، شَرٌ فَصَبَرَ کانَ خیرًا لہ۔

سوال2:۔مندرجہ بالا جملوں کی ترکیب کریں ۔

مکمل مضمون پڑھیں

۔۔۔۔۔۔ ضمائر کا بیان ۔۔۔۔۔۔

ضمیر کی تعریف:

ضمیر وہ اسم ہے جو متکلم مخاطب یا ایسے غائب پر جس کا ذکر پہلے ہوچکا ہو دلالت کرنے کیلئے استعمال ہو۔ 

ضمائر کی اقسام 

ضمائر کی پانچ قسمیں ہیں۔ 

    ۱۔ مرفوع متصل     ۲۔مرفوع منفصل     ۳۔منصوب متصل     ۴۔منصوب منفصل     ۵۔ مجرور متصل ۔

۱۔مرفوع متصل :

    جو ضمیر اپنے عامل سے ملی ہوئی ہو اور محل رفع میں واقع ہو اسے ضمیر مرفوع متصل کہتے ہیں۔ 

ضمیر مرفوع متصل کی اقسام

ضمیر مرفوع متصل کی دوقسمیں ہیں ۔

۱۔بارز         ۲۔ مستتر 

۱۔بارز :

    بارز کا معنی ہے ظاہر ،اس سے مراد وہ ضمیر ہے جو لکھی اور پڑھی جاسکے۔جیسے ضَرَبْتُ

میں ت ضمیر بارز ہے۔ 

۲۔مستتر:

    مستتر کا معنی ہے پوشیدہ ، اس سے مراد وہ ضمیر ہے جو لکھی اور پڑھی نہ جاسکے۔ 

جیسے ضَرَبَ میں ھُوَ ضمیر مستتر ہے۔

ضَرَبْتُمَا     تما ضمیر بارز تثنیہ مونث حاضر کیلئے

ضَرَبْتُنَّ     تن ضمیر بارز جمع مونث حاضر کیلئے 

ضَرَبْتُ    تُ ضمیر بارز واحد مذکر ومونث متکلم کیلئے 

ضَرَبْنَا                  ناضمیر بارز تثنیہ وجمع ،مذکر ومونث متکلم کیلئے 

۲۔مرفوع منفصل:

    جو ضمیر اپنے عامل سے جدا ہواورمحل رفع میں واقع ہو اسے ضمیر مرفوع منفصل کہتے ہیں۔ 

ضمیر مرفوع منفصل کا استعمال:

    یہ ضمیر اکثر مبتداء ،خبر ،فاعل ،نائب الفاعل یا کان کے اسم کے طور استعما ل کی جاتی ہے۔

ضمیر مرفوع منفصل                    استعمال

ھُوَ واحد مذکر غائب کیلئے 

ھُمَا تثنیہ مذکر غائب کیلئے 

ھُمْ جمع مذکر غائب کیلئے 

ھِیَ واحد مونث غائب کیلئے 

ھُمَا تثنیہ مونث غائب کیلئے 

ھُنَّ جمع مونث غائب کیلئے 

أَنْتَ واحد مذکر حاضر کیلئے 

أَنْتُمَا تثنیہ مذکر حاضر کیلئے

أَنْتُمْ جمع مذکر حاضر کیلئے 

أَنْتِ واحد مونث حاضر کیلئے 

أَنْتُمَا تثنیہ مونث حاضر کیلئے 

أَنْتُنَّ جمع مونث حاضر کیلئے 

أَنَا واحد مذکر ومونث متکلم 

نَحْنُ تثنیہ وجمع ،مذکر ومونث متکلم 

۳۔ضمیر منصوب متصل :

    جو ضمیراپنے عامل سے ملی ہوئی ہو اور محل نصب میں واقع ہو ضمیر منصوب متصل کہلاتی ہے۔ 

ضمیر منصوب متصل کا استعمال:

    یہ ضمیر اکثر مفعول بہ یا انَّ کا اسم واقع ہوتی ہے۔ 

ضمیرمنصوب متصل مع عامل استعمال

ضَرَبَہ، ہ ضمیر واحد مذکرغائب کیلئے 

ضَرَبَھُمَا ھماضمیر تثنیہ مذکر غائب کیلئے 

ضَرَبَھُمْ ھم ضمیر جمع مذکر غائب کیلئے 

ضَرَبَھَا ھا ضمیر واحد مونث غائب کیلئے 

ضَرَبَھُمْا ھما ضمیر تثنیہ مونث غائب کیلئے 

ضَرَبَھُنَّ ھن ضمیر جمع مونث غائب کیلئے

ضَرَبَکَ ک ضمیر واحد مذکر حاضر کیلئے 

ضَرَبَکُمَا کما تثنیہ مذکر حاضر کیلئے 

ضَرَبَکُمْ کم ضمیر جمع مذکر حاضر کیلئے 

ضَرَبَکِ ک ضمیر واحد مونث حاضر کیلئے 

ضَرَبَکُمَا کما ضمیر تثنیہ مونث حاضر کیلئے 

ضَرَبَکُنَّ کن ضمیر جمع مونث حاضر کیلئے 

ضَرَبَنِیْ ی ضمیر واحد مذکر ومونث متکلم کیلئے 

ضَرَبَنَا نا ضمیر تثنیہ وجمع ،مذکر ومونث متکلم کیلئے 

۴۔ضمیر منصوب منفصل:

    جو ضمیر اپنے عامل سے جدا ہو او ر محل نصب میں واقع ہو تو اسے ضمیر منصوب منفصل کہتے ہیں۔ 

ضمیر منصوب منفصل کا استعمال:

    ضمیر منصوب منفصل اکثر مفعول بہ کے طور پر استعمال ہوتی ہے۔ 

ضمیر منصوب متصل استعمال

اِیَّاہ، واحد مذکر غائب کیلئے 

اِیَّاھُمَا تثنیہ مذکرغائب کیلئے 

اِیَّاھُمْ جمع مذکرغائب کیلئے 

اِیَّاھَا واحد مونث غائب کیلئے 

اِیَّاھُمَا تثنیہ مونث غائب کیلئے

اِیَّاھُنَّ جمع مونث غائب کیلئے 

اِیَّاکَ واحد مذکر حاضر کیلئے 

اِیَّاکُمَا تثنیہ مذکر حاضر کیلئے 

اِیَّاکُمْ جمع مذکر حاضر کیلئے 

اِیَّاکِ واحد مونث حاضر کیلئے 

اِیَّاکُمَا تثنیہ مونث حاضر کیلئے 

اِیَّاکُنَّ جمع مونث حاضر کیلئے 

اِیَّایَ واحد مذکر ومونث متکلم 

اِیَّانَا تثنیہ وجمع،مذکر ومونث متکلم 

فائدہ:

    ضمیر صرف اِیَّا ہے باقی تمام حروف متکلم مخاطب اور غائب پر دلالت کے لئے ہیں۔

۵۔ضمیر مجرور متصل:

جو ضمیر اپنے عامل سے ملی ہوئی ہو اور محل جر میں واقع ہو۔ 

ضمیر مجرور متصل کا استعمال:

    یہ ضمیر ہمیشہ مضاف الیہ یا حرف جار کا مجرور واقع ہوتی ہے۔

ضمیر مجرور متصل مع عامل استعمال

کِتَابُہ، واحد مذکر غائب کیلئے 

کِتَابُھُمَا تثنیہ مذکر غائب کیلئے 

کِتَابُھُمْ جمع مذکر غائب کیلئے 

کِتَابُھَا واحد مونث غائب کیلئے 

کِتَابُھُمَا تثنیہ مونث غائب کیلئے 

کِتَابُھُنَّ جمع مونث غائب کیلئے 

کِتَابُکَ واحد مذکر حاضر کیلئے 

کِتَابُکُمَا تثنیہ مذکر حاضر کیلئے 

کِتَابُکُمْ جمع مذکر حاضر کیلئے 

کِتَابُکِ واحد مونث حاضر کیلئے 

کِتَابُکُمَا تثنیہ مونث حاضر کیلئے 

کِتَابُکُنَّ جمع مونث حاضرکیلئے 

کِتَابِیْ واحد مذکر ومونث متکلم کیلئے 

کِتَابُنَا تثنیہ وجمع ،مذکر ومونث متکلم کیلئے 

ضمیرکے چند ضروری قواعد:

    (۱)۔۔۔۔۔۔بسا اوقات جملہ کی ابتداء میں ضمیرِ غائب آجاتی ہے جسکا کوئی مرجع نہیں

ہوتا اور بعد والا جملہ اس ضمیر کی تفسیر کرتاہے ۔اس صورت میں اگر ضمیر مذکر کی ہو تو اسے ضمیر شان کہتے ہیں اور اگر مونث کی ہو تو ضمیر قصہ کہتے ہیں۔ جیسے ھُوَ اللہُ اَحَدٌ۔

    (۲)۔۔۔۔۔۔ ضمیر کا مرجع مذکور نہ ہواورنہ ہی بعد والا جملہ اس کی تفسیر کررہا ہو ۔تواسے ضمیر مبہم کہتے ہیں ۔ اس کے ابہام کو دور کرنے کیلئے ضمیر کے بعد بیان یا تمییز کولاتے ہیں۔ جیسے فَسَوّٰھُنَّ سَبْعَ سَمٰوٰاتٍ، یہاں ھُنَّ ضمیر مبہم ہے۔ سَبْعَ سَمٰوٰاتٍ تمییزہے۔ 

    (۳)۔۔۔۔۔۔ضَرَبَنِیْ میں ضَرَبَ اور یَاء کے درمیان آنے والے نون کو'' نون وقایہ'' کہا جاتاہے ،جو کہ فعل کے آخر کو کسرہ سے بچاتاہے۔ 

    (۴)۔۔۔۔۔۔ صرف غائب کی ضمیر اپنے مرجع کی طرف لوٹتی ہے متکلم اور مخاطب کی ضمیر راجع نہیں ہوتی اور نہ ہی ان کا کوئی مرجع ہوتاہے۔ 

ضمیر پڑھنے کا طریقہ:

    ضمیر کے ماقبل زبر ہوگایا زیر اگر زبر ہے تو ضمیر پر الٹاپیش پڑھاجائے گا۔ جیسے لَہٗ اور اگر ماقبل زیرہے ۔تو ضمیر پر کھڑا زیر پڑھا جائیگا۔ جیسے بِہٖ اور اگر ضمیر کے ماقبل ساکن ہے۔ توپھر دیکھیں گے کہ وہ یاء ساکن ہے یاغیریاء ساکن اگر یاء ساکن ہے تو پھر ضمیر پر کسرہ پڑھیں گے جیسے۔ فِیْہِ،اگر غیر یاء ساکن ہے تو پھر ضمہ پڑھیں ۔جیسے مِنْہُ مگر قرآن پاک کے چند مقامات اس سے مستثنی ہیں ۔سورہ نور میں وَیَتَّقْہ،ِسورہ کھف میں وَمَا أَنْسَانِیْہُ، سورہ فتح میں عَلَیْہُ اللہ،َ سورہ اعراف وشعراء میں أَرْجِہْ۔

چند ترکیبی قواعد:

    (۱)۔۔۔۔۔۔۔ ضمیر ہمیشہ واحد ،تثنیہ ،جمع اور تذکیر وتانیث میں اپنے مرجع کے مطابق ہوتی ہے۔

    (۲)۔۔۔۔۔۔ مبتداء اورخبر کے درمیان آنے والی' 'ضمیرِ فصل'' کو ترکیب کے اندر مبتدا بھی بناسکتے ہیں۔اور اسے ضمیر فصل کہہ کر چھوڑ بھی سکتے ہیں ۔جیسے أُوْلٰئِکَ ھُمُ الْمُفْلِحُوْنَ میں أُوْلٰئِکَ مبتدا اول اور ھُمْ مبتدا ثانی یا پھر أُوْلٰئِکَ مبتدا اور ھُمْ کو ضمیر فصل کہہ کے چھوڑ دیں۔

    (۳)۔۔۔۔۔۔ جب ضمیر مرجع اور خبر کے درمیان آجائے تو خبر کی رعایت اولیٰ ہوتی ہے ۔ جیسے أَلْعِلْمُ ھِیَ نِعْمَۃٌ یہاں ھِیَ ضمیر خبر کے مطابق آئی ہے ۔اسم اشارہ کا بھی یہی حکم ہے۔

ترکیب:

وَ اُولٰٓئِکَ ہُمُ الْمُفْلِحُوۡنَ

     أُوْلٰئِکَ مبتدا ھُمْ ضمیرفصل اَلْمُفْلِحُوْنَ خبر مبتدا خبر ملکر جملہ اسمیہ۔

    اس کی دوسری ترکیب اس طرح بھی ہوسکتی ہے أُوْلٰئِکَ مبتدأ اول ھُمْ ضمیر فصل مبتدأ ثانی، أَلْمُفْلِحُوْنَ مبتدأثا نی کی خبر۔ مبتدأثانی اپنی خبر سے مل کر جملہ اسمیہ ہو کر مبتدأ اول کی خبر مبتداپنی خبر سے مل کر جملہ اسمیہ۔

ترکیب: ھُوَ یَضْرِبُ زَیْدًا

    ھُوَ ضمیر مرفوع منفصل مبتدا یَضْرِبُ فعل ھُوَ ضمیر فاعل زَیْداً مفعول بہ فعل اپنے فاعل اور مفعول بہ سے مل کر جملہ فعلیہ ہو کر خبر، مبتدا خبر سے مل کر جملہ اسمیہ۔

مکمل مضمون پڑھیں

۔۔۔۔۔۔حروف کی اقسام ۔۔۔۔۔۔

حروف کی دو قسمیں ہیں۔

۱۔حروف مبانی         ۲۔حروف معانی

۱۔ حروف مبانی:

    وہ حروف جن سے کلمات بنتے ہیں اوریہ حروف کسی خاص معنی پر دلالت کیلئے وضع نہیں کیے جاتے ۔ جیسے ا،ب ،ت، ث وغیرہ۔ انہیں حروف تہجی اور حروف ھجاء بھی کہتے ہیں۔

۲۔حروف معانی:

    وہ حروف جنہیں کسی خاص معنی پر دلالت کیلئے وضع کیا گیا ہو۔جیسے اِلٰی (تک)، عَلیٰ (پر) وغیرہ ۔

فائدہ:

     تمام حروف مبنی ہیں چاہے مبانی ہوں یا معانی ۔

حروف معانی کی پھر دو قسمیں ہیں ۔ 

۱۔ عاملہ         ۲۔غیر عاملہ 

۱۔حروف عاملہ:

    وہ حروف جو رفع ،نصب ،جر یا جزم دیں ان کو حروف عاملہ کہتے ہیں۔

۲۔حروف غیر عاملہ:

    وہ حروف جو رفع ،نصب ،جر یا جزم نہ دیں انکو حروف غیر عاملہ کہتے ہیں(۱) ۔ 

حروف عاملہ کی اقسام

۱۔حروف جارہ     ۲۔ حروف مشبہ بالفعل ۳۔ حروف نواصب ۴۔ حروف جوازم ۵۔ حروف نافیہ     ۶۔ حروف شرط ۔

حروف غیر عاملہ کی اقسام

    ۱۔حروف عطف    ۲۔حروف استفہام ۳۔ حروف استقبال ۴۔حروف تاکید ۵۔ حروف تفسیر     ۶۔ حروف تحضیض ۷۔ حروف مصدریہ ۸۔ حرف ردع     ۹۔ حرف توقع ۱۰۔ حروف جواب ۱۱۔ حروف تنبیہ ۱۲۔ حروف زیادات ۱۳۔ الف لام ۔

حروف عاملہ کی تفصیل:

۱۔حروف جارہ:

    یہ حروف سترہ ہیں ان کی تفصیل پہلے گزرچکی ہے۔ 

۲۔حروف مشبہ بالفعل:

    یہ چھ ہیں۔ ۱۔اِنَّ     ۲۔أَنَّ ۳۔کَأَنَّ     ۴۔لٰکِنَّ ۵۔لَیْتَ ۶۔لَعَلَّ

ان کی تفصیل گز رچکی ہے۔ 

۳۔حروف نواصب:

    ان کی دو قسمیں ہیں۔

    ۱۔افعال کو نصب دینے والے حروف ۲۔اسماء کو نصب دینے والے حروف 

۱۔افعال کو نصب دینے والے حروف:

    یہ چار ہیں۔ ۱۔أَنْ۔    ۲۔لَنْ۔    ۳۔کَیْ۔    ۴۔اِذَنْ

    یہ فعل مضارع کو نصب دیتے ہیں ۔ان چاروں کے معنی مندرجہ ذیل ہے ۔

    ۱۔أَنْ کا معنی ہے ''کہ'' یہ فعل مضارع کو زمانہ مستقبل کے ساتھ خاص کر دیتا ہے اور اس کو مصدر کی تاویل میں کردیتا ہے ۔جیسے أُرِیْدُ أَنْ تَقْرَئَ بمعنی أُرِیْدُ قِرَأَتَکَ۔

    ۲۔لَنْ کا معنی ہے (ہر گز نہیں)۔جیسے لَنْ یَّضْرِبَ( ہر گز نہیں مارے گاوہ ایک مرد) ۔

    ۳۔کَیْ کا معنی ہے(تاکہ)جیسے اِجْلِسْ لِلْوُضُوْءِ عَلٰی مَوْضِعٍ مُرْتَفِعٍ کَیْ لاَ یُصِیْبَکَ الرَّشَاشُ  (وضوء کے لئے بلند جگہ پر بیٹھو تا کہ تم پر چھنیٹے نہ پڑیں)

    ۴۔اِذَنْ کا معنی ہے (اُس وقت)جیسے لَمَّا جِئْتَنِیْ اِذَنْ أُکْرِ مَکَ  (جب تو میرے پاس آئیگا میں اس وقت تیری تعظیم کروں گا)۔

۲۔اسماء کو نصب دینے والے حروف:

    اسماء کو نصب دینے والے حروف پانچ ہیں۔     ۱۔یَا     ۲۔اَیَا ۳۔ھَیَا ۴۔ اَیْ ۵۔ہمزہ مفتوحہ۔

    ان کی مکمل بحث نداء کے بیان میں گزر چکی ہے۔ 

۴۔حروف جوازم:

حروف جوازم پانچ ہیں۔ 

    ۱۔ ان شرطیہ    ۲۔ لَم     ۳۔لمّا    ۴۔لام امر      ۵۔لائے نہی ۔

۱۔ان شرطیہ:

     اس کے بارے میں پوری بحث کلمات شرط میں گزر چکی ہے۔ 

۲۔لَمْ:

    یہ فعل مضارع کو ماضی منفی کے معنی میں کر دیتا ہے اور فعل مضارع کو جزم دیتاہے نیز اگر فعل مضارع کے آخر میں حرف علت ہو تواسے گرادیتاہے۔ جیسے لَمْ یَأْکُلْ(اس نے نہیں کھایا) اور لَمْ یَدْعُ ( اس نے نہیں بلایا)۔

۳۔لَمَّا:(۱)

    یہ بھی لَمْ کی طرح مضارع کو ماضی منفی کے معنی میں کردیتاہے۔ جیسے لَمَّا تَضْرِبْ (تو نے ابھی تک نہیں مارا)۔ 

۴۔لام امر:

    یہ مضارع کو امر کے معنی میں کر دیتاہے۔ یعنی مضارع میں طلب کے معنی پیدا کردیتا ہے۔ جیسے لِیَضْرِبْ (چاہیے کہ وہ مارے) ۔

۵۔لائے نہی:

    یہ مضارع کو مستقبل کے ساتھ خاص کر دیتا ہے اور اس میں نہی کے معنی پیدا کردیتا

ہے۔ جیسے لاَ تَشْرَبْ (تو نہ پی) ۔

۵۔حروف نافیہ :

حروف نافیہ چار ہیں۔ 

۱۔اِنْ     ۲۔مَا         ۳۔لاَ         ۴۔لاَتَ

ان کی بحث ما و لا المشبھتان بلیس کے بیان میں گزر چکی ہے۔ 

۶۔حروف شرط:

    ان کی پوری بحث کلمات شرط کے سبق میں گزر چکی ہے۔

1۔۔۔۔۔۔ حروف غیر عاملہ لفظا توعمل نہیں کرتے ہیں لیکن ان میں سے اکثر حروف معنیً عمل کرتے ہیں۔

1۔۔۔۔۔۔لَمْ اور لَمَّا میں فرق :لَمْ مطلق ماضی کی نفی کیلئے آتاہے۔ جبکہ لَمَّا گفتگو تک تمام زمانہ ماضی کی نفی کردیتاہے۔ لَمْ کے ذریعے جس چیز کی نفی کی جائے اس کے کرنے کی امید نہیں ہوتی اور لَمَّا میں امید ہوتی ہے۔ جیسے لَمْ أَضْرِبْ(میں نے نہیں مارا)اور لَمَّا أَضْرِبْ( میں نے ابھی تک نہیں مارا)یعنی مارنے کی امید باقی ہے۔

مکمل مضمون پڑھیں

مشق

سوال نمبر1:۔مندرجہ ذیل جملوں میں اسم تفضیل کو مختلف طریقوں سے استعمال کیا گیا ہے۔ پہچان کریں کہ کن طریقوں سے استعمال کیا گیا ۔

    ۱۔أَلنَّبِیُّ أَفْضَلُ مِنَ الْوَلِیِّ ۔۲۔فَاطِمَۃُ أَفْضَلُ مِنْ أُخْتِھَا ۔۳۔أَلرَّجُلاَنِ أَفْضَلُ مِنَ الْمَرْأَ تَانِ ۔۴۔ھُمُ الأَفْضَلُوْنَ ۔۵۔

 (أَلْفِتْنَۃُ أَکْبَرُ مِنَ الْقَتْلِ) ۔۶۔أَللہُ أَکْبَرُ مِنْ کُلِّ شَئْیٍ ۔۷۔ جَاءَ نِیْ زَیْدُنِ الأَفْضَلُ ۔۸۔بَکْرٌ أَفْضَلُ الْقَوْمِ۔۹۔ اَفْضَلُ الْمُومِنِیْنَ أَحْسَنُھُمْ خُلُقًا ۔۱۰۔ھٰذَا أَصَحُّ۔۱۱۔رَأَیْتُ أَشْرَفَ الأَشْرَافِ۔۱۲۔ ( اِنَّ اَوْہَنَ الْبُیُوۡتِ لَبَیۡتُ الْعَنۡکَبُوۡتِ)۔

سوال نمبر2:۔ مندرجہ ذیل اردو جملوں کی عربی بنائیں۔

۱۔ آپ مجھ سے چھوٹے ہیں۔ ۲۔ یہ لڑکا اس لڑکے سے بڑا ہے۔ ۳۔ ہو ا پانی کی نسبت زیادہ لطیف ہے۔ ۴۔ بہترین کتاب قرآن مجید ہے۔ ۵۔ سب کلاموں سے زیادہ سچا اللہ کا کلام ہے۔ 

سوال نمبر3:۔اعراب لگائیں اور ترجمہ کریں۔

    سئل ابن عباس رضی اللہ عنھما عن خمسۃ من الناس فقیل لہ من اجود الناس؟ومن احلم الناس؟ ومن ابخل الناس؟ ومن اسرق الناس؟ ومن اعجز الناس؟ فقال: اجود الناس من اعطی من حرمہ۔واحلمھم من عفا عمن ظلمہ ۔وابخلھم من بخل بالصلوۃ علی النبی صلی اللہ علیہ وسلم ۔و اسرقھم من یسرق من صلوتہ۔ واعجزھم من عجز من اللہ للدنیا۔

مکمل مضمون پڑھیں