فعل نفی جَحْد بلم

فعل نفی جحد بلم کی تعریف:

    وہ فعل جو بدخول لَمْ زمانہ ماضی میں کسی کام کے نہ ہونے پر دلالت کرے۔ جیسے:لَمْ یَفْعَلْ(نہیں کیا اس ایک مرد نے)۔

بنانے کا طریقہ:

     مضارع معروف کے شروع میں لفظ ''لَمْ ''کااضافہ کرنے سے فعل نفی جَحْد بَلم معروف بن جاتا ہے ۔جیسے یَضْرِبُ سے لَمْ یَضْرِبْ۔

نوٹ:

    (۱)۔۔۔۔۔۔ اسے مجہول بنانے کا وہی طریقہ ہے جو مضارع کو مجہول بنانے کا ہے ۔

    (۲)۔۔۔۔۔۔ لَمْفعل مضارع پر داخل ہوکراس میں دو طر ح کاعمل کرتاہے 

(۱) لفظی (۲) معنوی۔ 

٭(۱)۔۔۔۔۔۔لفظی عمل:

    (۱) مضارع کے اُن پانچ صیغوں کو جزم دیتا ہے جن کے آخر میں ضمہ ہو تا ہے ۔ جیسے یَفْعَلُ سےلَمْ یَفْعَلْ۔     (۲)اگراِن پانچ صیغوں کے آخرمیں حرف علت ہو تواسے بھی گرادیتاہے۔ جیسے یَدْعُوْسے لَمْ یَدْعُ۔

    (۳)سات صیغوں کے آخر سے نون اعرابی کو گرادیتا ہے ۔ جیسے یَفْعَلاَنِ سے

لَمْ یَفْعَلاَ۔

    (۴)دو صیغوں (جمع مؤنث غائب و حاضر )میں کوئی عمل نہیں کرتا(۱)۔جیسے یَفْعَلْنَ سےلَمْ یَفْعَلْنَ۔

تنبیہ:

    لَمْ کی طرح لَمَّا، لام امر، لائے نھی اور اِنْ شرطیہ بھی مضارع پرداخل ہوکر اسے جزم دیتے ہیں ،اسی لیے ان پانچوں حروف کو ''جوازم مضارع ''کہتے ہیں۔

٭(۲)معنوی عمل:

    فعل مضارع کوماضی منفی کے معنی میں کردیتا ہے ، اسی لیے فعل نفی جحد بلم کو ''ماضی معنوی ''بھی کہتے ہیں ۔

 (۱)۔۔۔۔۔۔کیونکہ یہ صیغے مبنی ہوتے ہیں۔)

SHARE THIS