کفار سے قطع تعلق کا حکم

اللہ تعالیٰ ارشاد فرماتا ہے :

وَ مَا کَانَ اسْتِغْفَارُ اِبْرٰہِیۡمَ لِاَبِیۡہِ اِلَّا عَنۡ مَّوْعِدَۃٍ وَّعَدَہَاۤ اِیَّاہُ ۚ فَلَمَّا تَبَیَّنَ لَہٗۤ اَنَّہٗ عَدُوٌّ لِّلہِ تَبَرَّاَ مِنْہُ ؕ اِنَّ اِبْرٰہِیۡمَ لَاَوَّاہٌ حَلِیۡمٌ ﴿۱۱۴﴾

ترجمہ کنزالایمان:     اور ابراہیم کا اپنے باپ کی بخشش چاہنا وہ تو نہ تھامگر ایک وعدے کے سبب (۱) جو اس سے کرچکا تھا (۲)پھرجب ابراہيم کو کھل گيا  کہ وہ اللہ کا دشمن ہے(۳) اس سے تنکا توڑ دیا(لا تعلق ہو گيا )(۴) بیشک ابراہيم بہت آہيں کرنے والا متحمل ہے(۵)۔(پ۱۱، التوبۃ:۱۱۴)

تفسير:

    (۱) شان نزول حضرت علی رضی اللہ تعالی عنہ نے ایک شخص کو دیکھا کہ وہ اپنے مشرک ماں باپ کے لئے دعائے مغفرت کر رہا ہے ، آپ نے اسے منع فرمایا ۔ اس نے عرض کیا کہ ابراہیم علیہ السلام نے بھی اپنے مشرک چچا کے لئے بخشش کی دعا کی تھی سَاَسْتَغْفِرُلَکَ رَبِّیْ حضرت علی رضی اللہ تعالی عنہ نے یہ واقعہ حضورصلی اللہ تعالیٰ علیہ واٰلہٖ وسلم کی خدمت میں عرض کیا ۔اس پر یہ آیت کریمہ اتری ۔ 

    (۲) یعنی ابراہیم علیہ السلام نے اپنے والدسے دعا ئے مغفرت کا وعدہ فرمایا تھا اور یہ وعدہ اس کی ممانعت سے پہلے ہوچکا تھا ۔ بعد میں مشرکین کے لئے دعا مغفرت سے منع فرمایا گیا ۔یا ان کے چچا نے ایمان کا وعدہ کیا تو آپ نے دعا کا وعدہ  کیا ۔اس نے اپنا وعدہ پورا نہ کیا ۔ آپ نے پورا فرمایا ۔

    (۳) يا  اس طرح کہ آپ پر وحی آگئی کہ آزر کا خاتمہ کفر پر ہوگا يا  اس طرح کہ وہ کفر پر فوت ہوگیا۔تو آپ نے اس کے لئے دعائے مغفرت فرمانی بند کردی۔ 

    (۴) اس طرح کہ دعائے مغفرت ترک فرما دی اور دل سے متنفر ہو گئے معلوم ہوا کہ کافر سے نفرت چاہے اگرچہ وہ اپنا قريبی رشتہ دار ہو۔

    (۵) معلوم ہوا کہ ابراہيم عليہ السلام مظہرِ جمال ہيں کہ دشمن پر بھی سختی نہيں فرماتے۔حضرت نوح عليہ السلام اور موسیٰ عليہ السلام مظہرِ جلال ہيں۔

(تفسير نورالعرفان)

مکمل مضمون پڑھیں

برے نام لينے کی ممانعت

اللہ تعالیٰ ارشاد فرماتا ہے :

 وَلَا تَنَابَزُوۡا بِالْاَلْقَابِ ؕ بِئْسَ الِاسْمُ الْفُسُوۡقُ بَعْدَ الْاِیۡمَانِ ۚ وَمَنۡ لَّمْ یَتُبْ فَاُولٰٓئِکَ ہُمُ الظّٰلِمُوۡنَ ﴿۱۱﴾

ترجمہ کنزالایمان:     اور ايک دوسرے کے بُرے نام نہ رکھو(۱) کيا  ہی بُرا نام ہے مسلمان ہو کر فاسق کہلانا(۲) اور جو توبہ نہ کريں تو وہی ظالم ہيں۔(۳)(پ۲۶، الحجرٰت:۱۱)

تفسير:

    (۱) اس سے چند مسئلے معلوم ہوئے ايک تو يہ کہ مسلمان کو گدھا، کتا، سور وغيرہ نہ کہو۔ دوسرا يہ کہ جس گنہگار نے اپنے گناہ سے توبہ کر لی ہوپھر اسے اس گناہ کا طعنہ نہ دو ۔تيسرايہ کہ مسلمان کو ايسے لقب سے نہ پکارو جو اسے ناگوار ہو اگرچہ وہ عيب اس ميں موجود ہو۔ او کانے، او ٹينی، او لنگڑے، اندھے کہہ کر نہ پکارو اگرچہ يہ بيماريا ں اس ميں ہوں۔ چوتھا يہ کہ جو لقب نام کی طرح بن گئے ہوں کہ اب اسے تکليف نہ ہوتی ہو تو ان القاب سے پکارنا منع نہيں۔جيسے اعمش اعرج وغيرہ(تفسیرنور العرفان)

    (۲) يعنی ايسی حرکتيں فسق ہيں تم مسلمان ہو کر فاسق کيوں بنتے ہو ان سب حرکتوں سے علیٰحدہ رہو۔

    (۳) اس سے وہ فرقہ عبرت پکڑے جو صحابہ کرام کو گالیاں دینابہترین

عبادت سمجھتا ہے جس کا عقیدہ یہ کہ حضرت عمر رضی اللہ عنہ کو ایک گالی دینا اسی 80 بر س کی خالص عبادت سے افضل ہے ۔ یہ لوگ اس آیت کے حکم سے ظالم ہیں ۔

(تفسير نورالعرفان)

مکمل مضمون پڑھیں

بری صحبت سے بچنے کا حکم

اللہ تعالیٰ ارشاد فرماتا ہے :

 وَ اِمَّا یُنۡسِیَنَّکَ الشَّیۡطٰنُ فَلَا تَقْعُدْ بَعْدَ الذِّکْرٰی مَعَ الْقَوْمِ الظّٰلِمِیۡنَ ﴿۶۸﴾

ترجمہ کنزالایمان:     اور جو کہیں تجھے شیطان بھلادے(۱) تو یاد آئے پر ظالموں کے پاس نہ بیٹھ۔(۲)(پ۷، الانعام: ۶۸)

تفسير:

    (۱)یعنی اگر بھول کر تم کفار کے جلسوں میں چلے جاؤ تو یاد آتے ہی وہاں سے ہٹ جاؤ پھر نہ ٹھہرو۔

    (۲)اس سے معلوم ہوا کہ بری صحبت سے بچنا نہایت ضروری ہے۔ برا یار برے سانپ سے بد تر ہے کہ برا سانپ جان لیتاہے اور برا یار ایمان برباد کرتا ہے ۔ 

(تفسیر نور العرفان)

مکمل مضمون پڑھیں

حرمت شراب

اللہ تعالیٰ ارشاد فرماتا ہے :

یَسْـَٔلُوۡنَکَ عَنِ الْخَمْرِ وَالْمَیۡسِرِؕ قُلْ فِیۡہِمَاۤ اِثْمٌ کَبِیۡرٌ وَّ مَنَافِعُ لِلنَّاسِ ۫ وَ اِثْمُہُمَاۤ اَکْبَرُ مِنۡ نَّفْعِہِمَا ؕ

ترجمہ کنزالایمان:     تم سے شراب اور جوئے کا حکم پوچھتے ہيں(۱) تم فرما دو کہ ان دونوں ميں بڑا گناہ ہے اور لوگوں کے کچھ دنيوی نفع بھی(۲) اور ان کا گناہ انکے نفع سے بڑا ہے(۳)۔(پ۲، البقرۃ:۲۱۹)

تفسير:

    (۱) جوئے کو ميسر اس لئے کہتے ہيں کہ اس ميں ہارنے والے کا مال آسانی سے حاصل ہو جاتا ہے ۔جس چيز ميں مال کا جاناآنا شرطِ غير معلوم پر موقوف ہو تو وہ جوا ہے لہٰذا اس معنی کی معمہ بازی خالص جواہے ۔ اسی طرح سٹہ اور وہ تجارتيں جن ميں مالی ہار جيت ہے سب حرام ہيں ۔ايسے ہی تاش ، شطرنج وغيرہ۔

    (۲) کہ کفار ان کے ذريعے سے کچھ روپيہ کما ليتے ہيں۔ 

    (۳) اس ميں اشارۃً دو مسئلے معلوم ہوئے ايک يہ کہ يہ آيت شراب کے حرام ہونے کے بعد نازل ہوئی ورنہ اسے گناہ نہ کہا جاتا۔دوسرا يہ کہ شراب نوشی کا کبيرہ گناہ ہونا اضافی يعنی نفع سے گناہ زيا دہ ورنہ شراب نوشی و جوا گناہِ صغيرہ ہے جو ہمیشگی سے کبيرہ بن جاتے ہيں۔(تفسير نورالعرفان)

مکمل مضمون پڑھیں

غصہ پينا

غصہ پينا

اللہ تعالیٰ ارشاد فرماتا ہے :

وَالْکٰظِمِیۡنَ الْغَیۡظَ وَالْعَافِیۡنَ عَنِ النَّاسِ ؕ وَاللہُ یُحِبُّ الْمُحْسِنِیۡنَ ﴿۱۳۴﴾ۚ

ترجمہ کنزالایمان:     اور غصہ پينے والے اور لوگوں سے در گزر کرنے والے (۱)اور نيک لوگ اللہ کے محبوب ہيں(۲)۔(پ۴،  اٰل عمرٰن: ۱۳۴)

تفسير:

    (۱)خيا ل رہے کہ معافی اور درگزر اپنے حقوق ميں کی جاسکتی ہے اللہ عزوجل کے اور رسول اللہ صلی اللہ تعالیٰ عليہ وآلہٖ وسلم کے مجرم کو معاف نہيں کيا  جا سکتا ۔مرتد کو قتل کيا  جائے گا اور چور کے ضرور ہاتھ کٹيں گے۔ اس آيت کا یہی مقصد ہے۔

    (۲) فضيل بن عيا ض فرماتے ہيں کہ احسان کے عوض احسان کرنا بدلہ ہے اور برائی کے عوض برائی کرنا مجازات اور سزاہے۔ برائی کے عوض بھلائی کرنا کرم وجود ہے اور بھلائی کے عوض برائی کرنا خباثت ہے ۔ اس آيت ميں کرم و جود کا ذکر ہے انہيں محسن فرمايا  گيا ہے۔(تفسير نورالعرفان)

مکمل مضمون پڑھیں