حمد سیدشکیل دسنوی

حمد

کمال اس کا ہے حیرت میں ڈالنے والا

وہ ابتدا کی علامت‘  وہ  انتہا کا امیں

وہ دوجہاں کو صفر سے نکالنے والا

وہ ممکنات کا خالق‘ وہ قادرِ مطلق

وہ شب کی کوکھ سے سورج نکالنے والا

یہ سیل وقت کی رفتار تھی کہاں پابند

وہ روز و شب کی ہے زنجیر ڈالنے والا

ڈبویا نیل میں فرعون کو کبھی جس نے

وہی تھا نوح کی کشتی سنبھالنے والا

فنا کو کون بقا کا لباس دیتا ہے

جہاں کو کون ہے سانچے میں ڈھالنے والا

یہ آیتوں میں دلیلوں کا معجزہ سیدؔ

ہے شک کی زد سے یقیں کو نکالنے والا

سید شکیل دسنوی کٹک

مکمل مضمون پڑھیں

حمد سیدشکیل دسنوی

حمد

کمال اس کا ہے حیرت میں ڈالنے والا

وہ ابتدا کی علامت‘  وہ  انتہا کا امیں

وہ دوجہاں کو صفر سے نکالنے والا

وہ ممکنات کا خالق‘ وہ قادرِ مطلق

وہ شب کی کوکھ سے سورج نکالنے والا

یہ سیل وقت کی رفتار تھی کہاں پابند

وہ روز و شب کی ہے زنجیر ڈالنے والا

ڈبویا نیل میں فرعون کو کبھی جس نے

وہی تھا نوح کی کشتی سنبھالنے والا

فنا کو کون بقا کا لباس دیتا ہے

جہاں کو کون ہے سانچے میں ڈھالنے والا

یہ آیتوں میں دلیلوں کا معجزہ سیدؔ

ہے شک کی زد سے یقیں کو نکالنے والا 

سید شکیل دسنوی کٹک

مکمل مضمون پڑھیں

حمد ظہیرؔغازی پوری

حمد

سنگ در بھی ترا شہر جاں بھی ترا

لب پہ اعجاز لفظ و بیاں بھی ترا

مرے احساس کی تازگی بھی تری

خوش یقینی بھی تیری گماں بھی ترا

میرے جذبات کی سرزمیں بھی تری

فکر و اظہار کا آسماں بھی ترا

سب نبات خیال و نظر بھی ترے

حرف شیریں بھی قند زباں بھی ترا

دشت میں دھوپ کی شعلگی بھی تری

برگِ سرسبز کا سائباں بھی ترا

بحر میں کشتی زندگی بھی تری

تیرا پتوار بھی‘ بادباں بھی ترا

حرف و افکار‘ آدابِ فن بھی ترے

نکتہ رس شاعر خوش بیاں بھی ترا

ظہیرؔغازی پوری  ہزاری باغ

مکمل مضمون پڑھیں

حمد صابرفخرالدین یادگیر

حمد

نئے چراغ پرانے چراغ بھی تیرے

جو آرہے ہیں نظر وہ ایاغ بھی تیرے

ہمارے دل کا گلستاں بھی ہے ترا یارب

جو ہیں بہشت بریں میں وہ باغ بھی تیرے

نظر سے تیری نہیں ہے کوئی بھی شیٔ مخفی

قدم قدم پہ ہیں پھیلے سراغ بھی تیرے

جو تنگیاں ہیں وہ میرا نصیب ہیں یارب

تمام وسعتیں سارے فراغ بھی تیرے

مجھے ملی ہیں جو علم وعمل کی سوغاتیں

ہیں ان کے طاق میں روشن چراغ بھی تیرے

صابرفخرالدین یادگیر

مکمل مضمون پڑھیں

حمد ناوکؔ حمزہ پوری بہار

حمد

ترے خیال سے ہے شوق میں نمو اللہ!

ترے جمال سے ہے فکر سرخ رو اللہ!

ہے تیری دین ریاض سخن کی شادابی

تری عطا سے ہے سر سبز گفتگو اللہ!

ہے عقل دنگ کہ تشبیہ تجھ کو دے کس سے

نہیں ہے چیز کوئی تجھ سی ہو بہو اللہ!

رہا نہ عارفِ حق کوئی خانقاہوں میں

تہی ہے میکدۂ شوق میں سبو اللہ!

ہے عضو عضو بدن اشکِ انفعال سے تر

نگاہ نیچی کمر خم ہے سرفرو اللہ!

ہے تیرے ذکر میں مشغول کائنات تمام

تراہی شہرہ ہے ہر سمت کوبکو اللہ!

ہے واقفِ ادبِ حمد خامۂ ناوکؔ

لکھا ہے اس نے ترا نام باوضو اللہ!

ناوکؔ حمزہ پوری بہار

مکمل مضمون پڑھیں