مژدۂ رحمتِ حق ہم کو سنانے والے

مژدۂ  رحمت حق ہم کو سنانے والے

مرحبا آتشِ دوزخ سے بچانے والے

جتنے   اللّٰہ  نے  بھیجے   ہیں      نبی  دنیا  میں    

تیری آمد کی خبر سب ہیں     سنانے والے

مجھ سے ناشاد کو پہنچا دے دَرِ احمد تک

میرے خالق میرے بچھڑوں     کے ملانے والے

دلِ ویرانۂ عاشق کو بھی کیجئے آباد

میرے محبوب مَدینے کے بسانے والے

کوئی پہنچا نہ نبی رتبۂ عالی کو ترے

مرحبا! خلد کی زنجیر ہلانے والے 

بعد مردن مجھے دِکھلائیں     گے جلوہ اپنا

قبر تیرہ میں     مرے شمع دکھانے والے

قبر میں     آپ کو دیکھا تو رضاؔ نے یہ کہا

دیکھئے! آئے وہ مردوں     کو جلانے والے

حضرت ابوہریرہ کی تھیلی

      حضرت ابوہریرہ رَضِیَ اللّٰہُ تَعَالٰی عنہ کا بیان ہے کہ میں     حضورِ اقدس صَلَّی اللّٰہُ تَعَالٰی عَلَیْہِ وَسَلَّم کی خدمتِ اقدس میں     کچھ کھجوریں     لے کر حاضر ہوا اور عرض کیا کہ یا رسول اﷲ! ان کھجوروں     میں     برکت کی دعا فرما دیجئے۔ آپ صَلَّی اللّٰہُ تَعَالٰی عَلَیْہِ وَسَلَّمنے ان کھجوروں     کو اکٹھا کرکے دعائِ برکت فرما دی اور ارشاد فرمایا کہ تم ان کو اپنے توشہ دان میں     رکھ لو اور تم جب چاہو ہاتھ ڈال کر اس میں     سے نکالتے رہو لیکن کبھی توشہ دان جھاڑ کر بالکل خالی نہ کر دینا۔ چنانچہ حضرت ابوہریرہ رَضِیَ اللّٰہُ تَعَالٰی عنہتیس برس تک ان کھجوروں     کو کھاتے اور کھلاتے رہے بلکہ کئی من اس میں     سے خیرات بھی کر چکے مگر وہ ختم نہ ہوئیں    ۔

(سنن الترمذی،کتاب المناقب،باب مناقب ابی ھریرۃ،الحدیث:۳۸۶۵، ج۵،ص۴۵۴)

مکمل مضمون پڑھیں

سچی بات سکھاتے یہ ہیں

سچی بات سکھاتے یہ ہیں     

سیدھی راہ دکھاتے یہ ہیں     

ڈوبی ناویں     تراتے یہ ہیں     

ہلتی نیویں     جماتے یہ ہیں     

ٹوٹی آسیں     بندھاتے یہ ہیں    

چھوٹی نبضیں     چلاتے یہ ہیں     

جلتی جانیں     بجھاتے یہ ہیں    

روتی آنکھیں     ہنساتے یہ ہیں     

قصرِ دَنیٰ تک کس کی رَسائی

جاتے یہ ہیں     آتے یہ ہیں     

اس کے نائب ان کے صاحب

حق سے خَلْق ملاتے یہ ہیں     

شافع نافع رافع دافع

کیا کیا رحمت لاتے یہ ہیں     

شافع اُمت نافع خَلْقَت

رافع رتبے بڑھاتے یہ ہیں     

دافع یعنی حافظ و حامی

دَفع بلا فرماتے یہ ہیں     

فیض جلیل خلیل سے پوچھو

آگ میں     باغ کھلاتے یہ ہیں     

ان کے نام کے صدقے جس سے

جیتے ہم ہیں     جلاتے یہ ہیں     

اس کی بخشش ان کا صدقہ

دیتا وہ ہے دِلاتے یہ ہیں     

ان کا حکم جہاں     میں     نافذ

قبضہ کل پہ رکھاتے یہ ہیں     

قادِرِ کُل کے نائب اَکبر

کن کا رنگ دِکھاتے یہ ہیں     

ان کے ہاتھ میں     ہر کنجی ہے

مالک کُل کہلاتے یہ ہیں     

اِنَّا         اَعْطَیْنٰکَ       الْکَوْثَر

ساری کثرت پاتے یہ ہیں     

رب ہے مُعْطِی یہ ہیں     قاسم

رِزْق اُس کا ہے کھلاتے یہ ہیں     

ماتم گھر میں     ایک نظر میں    

شادی شادی رَچاتے یہ ہیں     

اپنی بنی ہم آپ بگاڑیں    

کون بنائے بناتے یہ ہیں     

لاکھوں     بلائیں     کروڑوں     دشمن

کون بچائے بچاتے یہ ہیں     

بندے کرتے ہیں     کام غضب کے

مژدہ رضا کا سناتے یہ ہیں     

نزع رُوح میں     آسانی دیں    

کلمہ یاد دلاتے یہ ہیں     

مرقد میں     بندوں     کو تھپک کر

میٹھی نیند سلاتے یہ ہیں     

باپ جہاں     بیٹے سے بھاگے

لطف وہاں     فرماتے یہ ہیں    

ماں     جب اکلوتے کو چھوڑے

آ آ کہہ کے بلاتے یہ ہیں     

سنکھوں     بیکس رونے والے

کون چُپائے چپاتے یہ ہیں     

خود سجدے میں     گر کر اپنی

گرتی اُمت اُٹھاتے یہ ہیں     

ننگوں     بے ننگوں     کا پردہ

دامن ڈھک کے چھپاتے یہ ہیں     

اپنے بھرم سے ہم ہلکوں     کا

پلہ بھاری بناتے یہ ہیں     

ٹھنڈا ٹھنڈا میٹھا میٹھا

پیتے ہم ہیں     پلاتے یہ ہیں     

سَلِّم سَلِّم کی  ڈَھارس  سے

پل پر ہم کو چلاتے یہ ہیں     

جس کو کوئی نہ کھلوا سکتا 

وہ زَنجیر ہلاتے یہ ہیں    

جن کے چھپر تک نہیں     اون کے

موتی محل سجواتے یہ ہیں     

ٹوپی جن کے نہ جوتی ان کو

تاج و براق دِلاتے یہ ہیں     

کہدو رضا ؔسے خوش ہو خوش رہ

مژدہ رضا کاسناتے یہ ہیں     

٭٭٭

مکمل مضمون پڑھیں

اے اِمامُ الہدیٰ محب رسول

قصیدہ مدحیہ درشان افضل العلما اکمل الکملابقیۃ السلف حجۃ الخلف تاج الفحول محب رسول حضرت مولیٰنا مولوی حافظ حاجی محمد عبدالقادر صاحب قادری عثمانی بدایونی رحمۃ اللّٰہ تعالٰی علیہ مسمّی باسم تاریخی

چراغ انس

۱۳۱۵ھ

اے اِمامُ الہدیٰ محب رسول

اے اِمامُ الہدیٰ محب رسول

دین کے مقتدا محب رسول 

نائب مصطفٰے محب رسول

صاحب اصطفا محب رسول 

خادِمِ مرتضیٰ محب رسول 

مظہر اِرتضا محب رسول

عین حق کا بنا محب رسول

عین حق کا بنا محب رسول

زُبدۃُ الاتقیا محب رسول

عُمْدَۃُ الازکیا محب رسول

غربا پر فدا محب رسول

اُمرا سے جدا محب رسول

اے سَلَف اِقتدا محب رسول

اے خَلَف پیشوا محب رسول

سقم دل کی شفا محب رسول

چشم دین کی صفا محب رسول

شرقِ شانِ وَفا محب رسول

برقِ جانِ جفا محب رسول

اے کرم کی گھٹا محب رسول

اپنی بارش بڑھا محب رسول

کیوں     نہ ہو چاند سا محب رسول

نور کا جَبْہَہ۱؎ سا محب رسول

حرمین و حمی میں     بس کے گیا

نَجَف و کربلا محب رسول

تو کلامِ خدا کا حافِظ ہے

تیرا حافِظ خدا محب رسول

عبد قادِر نہ کیوں     ہو نام کہ ہے

ظل غوثُ الوریٰ محب رسول

مشعل راہِ دین و سنت ہے

تیرے رُخ کی ضیا محب رسول

اچھے۱؎ پیارے کی خانہ زادی ہے

اچھا پیارا بنا محب رسول

شرم والے غنی۲؎ کا بیٹا ہے

کانِ جود و حیا محب رسول

آج قائم ہے دَم قدم سے ترے

دین حق کی بنا محب رسول

ٹھیک معیار سنیّت ہے آج

تیری حب و وِلا محب رسول

سنیت سے پھرا ہدی سے پھرا

اب جو تجھ سے پھرا محب رسول

مصطفی کا ہوا خدا کا ہوا

اب جو تیرا ہوا محب رسول

مُذنب بد مذاق را زہر ست

شہد صافِ شما محب رسول

عاصی رُوسیاہ دشمن تست

رنگ رُو شد گوا محب رسول

خار۱؎زَاروں     کے واسطے ہے سموم

گلبنوں    ۲؎ کو صبا محب رسول

ہدم بنیان نجد کا طرہ 

تیرے سر پر سجا محب رسول

ہزم اَحزابِ ندوہ کا سہرا

تیرے ماتھے رہا محب رسول

رَفض و تفضیل و نجدیت کا گلا

تیرے ہاتھوں     کٹا محب رسول

تو نے اَبنائے بد مذاقی کو

پے پدر کر دیا محب رسول

ماتمی ہیں     زَنانِ نجد کہ ہائے

بیوہ تو نے کیا محب رسول

جلتے ہیں     ندویہ کہ صدر کی قدر

سرد کی تو نے یا محب رسول

سر مُنڈاتے ہی پڑگئے اَولے

تجھ سے پالا پڑا محب رسول

بخت کھل جاتا تخت مل جاتا

تو نے بندی رکھا محب رسول

مَکَرُوْا     مَکْرَ ھُمْ     و     عند      اللّٰہ

مَکْرُھُمْ     و     الجَزا     محب    رسول

کوہ اَفگن تھا ان کا مکر مگر

مکر۱؎ حق تھا بڑا محب رسول

پہلے بھی مَکْرْدَارِ ندوَہ کو

حق نے دی تھی سزا محب رسول

بعد تیرہ صدی کے پھر اُچھلا

اب وہ تجھ سے دَبا محب رسول

اُن کی جو رُوئداد تھی کر دی

تو نے دَم میں     ہبا محب رسول

زَر کے مفتی۲؎ بنا کریں     مخطی

تو ہے مفتی بجا محب رسول

ناظمِ فتنہ لاکھ ہوں     تو ہے

ناظمِ اِہتدا محب رسول

جھوٹے حقانی بنتے ہیں     گمراہ

سچے حقانی آ محب رسول

کچھ مداہن حمیر میر بنے

میر ان کو سنا محب رسول

یوں     نہ سمجھیں     تو سر اڑایا آپ

تو دل اُن کا اُڑا محب رسول

ندوِی جھنجھلاتے ہیں     کہ وہی تو ہیں    

اَسد اَحْمد رَضا محب رسول

غافل اس سے کہ ایک سُنی ہے

فوجِ حق میں     ہوں     یا محب رسول

گلۂ بز کو ایک شیر بہت

وہ    بھی     لا    سِیَّما     محب   رسول

ہم بجامع رَمَہ رَمَد اَز شیر

لطف دِہ جمعہ رَا محب رسول

میرے ستر70 سوال کا قرضہ

نہ ادا ہو سکا محب رسول

نہ ادا ہو اگرچہ محشر تک

ڈھیل اُونھیں     دے قضا محب رسول

بیسوں     اعلانوں     پر بھی ہٹ نہ سکا

گھونگٹ ان مکھڑوں     کا محب رسول

شرمِ نو خاستن رہی حائل

ندوے کو حسرتا محب رسول

حال     مُسْتَنْفِرَہ     کا      قَسْوَرہ    سے

سب نے دیکھا سنا محب رسول

میرے خنجر کی تاب لا نہ سکے

خاک پہنچیں     گے تا محب رسول

گالیاں     دیں     جواب کے بدلے

ذَا       ہَنِیًّا       لَّنَا       محب     رسول

شعلہ خویوں     کو چھیڑ کر سننا

یاں     ہے اس کا مزا محب رسول

تلخ زیْبَد لب شَکَرِخا رَا

خواجہ فرما چکا محب رسول

ہاں     نہ ان دو کا تیسرا دیکھا

آنکھیں     کھلتیں     ذرا محب رسول

تیسرا کون عونِ حق جس کا

میں     فقیر اور گدا محب رسول

تیسرا کون بدرِ حق جس کا 

شرق میں     اور سما محب رسول

تیسرا کون مہرِ حق جس کا

نقطہ میں     منطقہ محب رسول

سایہ ان دو پہ کیسے دو کا ہے

جن کا ثالث خدا محب رسول

ثَانِیَ    اثْنَیْنِ     اِذْ     ھُمَا     فِی     الْغَار 

میں     نثار اور فدا محب رسول

بلکہ دو اَحولی سے کہتے ہیں    

میں     ہوں     تجھ میں     فنا محب رسول

نہ تو مجھ سے جدا نہ میں     تجھ سے

میں     ترا تو مرا محب رسول

غلطی کی ترا مرا کیسا!

تو من و من تو یا محب رسول

یہ بھی تیرے کام سے ہے ورنہ 

من کجا ؤ کجا محب رسول

میں      کہاں       اور  کہاں   تَعَالَی   ا   للّٰہ 

تری مَدْح و ثناء محب رسول

تیری نعمت کا شکر کیا کیجئے

تجھ سے کیا کیا مِلا محب رسول

اور تو اور شیخ تجھ سے ملا

اس سے بڑھ کر ہے کیا محب رسول

شیخ بھی وہ کہ جس کے دَر کی خاک

چشمِ جاں     کی جلا محب رسول

شیخ بھی وہ کہ ایک جھلک میں    کرے

شب کو شَمْس الضُّحا محب رسول

شیخ بھی وہ کہ جس کی ایک نگاہ

دو جہاں     کا بھلا محب رسول

شیخ بھی وہ کہ جس کے مجرائی

اَولیاء اَصفیا محب رسول

شیخ بھی وہ کہ فتنوں     کی ہے قضا

جس کی ایک ایک اَدا محب رسول

شیخ بھی وہ کہ جس کے نام کا وِرد

دردِ دِل کی دوا محب رسول

شیخ بھی وہ جس کے عشق کی آگ

نار سے ہے نجا محب رسول

شیخ بھی وہ کہ حق کے پھول کھلائے

جس کے دَم کی ہوا محب رسول

شیخ بھی وہ کہ جس کا آبِ وُضو

باغ دین کی بہا محب رسول

شیخ بھی وہ کہ خاکِ پا سے کرے

مس جان کو طلا محب رسول

شیخ بھی کون حضرتِ آلِ رسول

خاتم الاولیاء محب رسول

اس کے در تک رسائی تجھ سے ملی

تو ہوا رہنما محب رسول

مجھ پہ واجب ہے تیرا شکر نعم

مجھ پہ لازم دعا محب رسول

جگمگاتے چراغ سنت کے

تا اَبد جگمگا محب رسول

نہ کبھی بادِ حادثہ پاس آئے

نہ کبھی جھلملا محب رسول

دائما تیری نسل روشن میں    

شمع ہو شمع زا محب رسول

رہے     تا     روزِ     نُورُھُمْ     یَسْعٰی

روز اَفزوں     ضیا محب رسول

مقتدر تیرے نوبروں     کو کرے

تجھ سے بھی کچھ سوا محب رسول

تیرے سایہ میں     لہلائیں     کھلیں    

تیرے گُل گُلُبنا محب رسول

مورثِ مجد و فضل آبا ہو

وارثُ الانبیاء محب رسول

خار دَر چشم و خوار دَر چشماں    

دشمنت دائما محب رسول

تجھ پہ فضل رسول کا سایہ

مجھ پہ سایہ ترا محب رسول

میرا شافع حضورِ غوث میں     ہو

مَدْح کا دے صلا محب رسول

مُدَّعی سے مجھے بچا لیں     غوث

دل کا دیں     مُدَّعا محب رسول

میرے سب کام ان سے بنوا دے

ظاہراً باطناً محب رسول

مجھے کر دے رضائے اَحْمد وہ

جس نے تجھ کو کیا محب رسول

آہ  صد  آہ  میں      ہوں       بِئْسَ  الْعَبْد

مَدد    اے    حَبَّذَا     محب    رسول

بِئْسَ  کو    نِعْمَ   سے    بدلوا    دے

اپنے مولا سے یا محب رسول

کون مولا وہ سید الافراد 

غوثِ ہر دوسرا محب رسول

میں     بھی دیکھوں     جو تو نے دیکھا ہے

روزِ سعی صفا محب رسول

ہاں     یہ سچ ہے کہ یاں     وہ آنکھ کہاں     

آنکھ پہلے دِلا محب رسول

تینوں     بھائی نہ کوئی غم دیکھیں    

عشق شہ کے سوا محب رسول

میرے بیٹوں     بھتیجوں     کو بھی ہو

علم نافع عطا محب رسول

دین و دنیا کی عزتیں     پائیں    

رَد رہے ہر بلا محب رسول

خاتمہ سب کا دین حق پہ کرے

کلمہ طیبہ محب رسول

خلد میں     زیر ظل غوثِ کریم

رہیں     یک جا رضا محب رسول

٭٭٭

مکمل مضمون پڑھیں

ماہ سیما ہے اَحْمدِ نوری

ماہ سیما ہے اَحْمدِ نوری

مہر جلوہ ہے اَحْمدِ نوری

نور والا ہے اَحْمدِ نوری

نور والا ہے اَحْمدِ نوری

نہ کھلا کیا ہے اَحْمدِ نوری 

راز بستہ ہے اَحْمدِ نوری

دُور پہنچا ہے اَحْمدِ نوری

بہت اُونچا ہے اَحْمدِ نوری

نور سینہ ہے اَحْمدِ نوری

طور سینہ ہے اَحْمدِ نوری

وَصف اَجْلٰی ہے اَحْمدِ نوری 

کشفِ اَخفی ہے اَحْمدِ نوری 

عہدِ اَوفی ہے اَحْمدِ نوری 

شہدِ اَصفی ہے اَحْمدِ نوری

جلب تقویٰ ہے اَحْمدِ نوری

سلب طغویٰ ہے اَحْمدِ نوری

نجم سے ماہ مَہ سے مِہر ہوا

گھڑیوں     بڑھتا ہے اَحْمدِ نوری

مہر سے ماہ مَہ سے نجم ہوا

ابھی نیچا ہے اَحْمدِ نوری

اُس کے مُدرَک ہیں     فوقِ طبیعات

علم اَعلیٰ ہے اَحْمدِ نوری

برکاتی جہاں     جمی ہو برات

اس میں     دولہا ہے اَحْمدِ نوری

شمس دیں     کی شعاؤں     کا تیرے

سر پہ سہرا ہے اَحْمدِ نوری

تار اَنظار مرحمت سے بُنا

تیرا جامَہ ہے اَحْمدِ نوری

رُشد و اِرشاد کا ترے سر پر

آج طرہ ہے اَحْمدِ نوری

قادِریت ہے چشتیت سے بہم

نگ دوپلکا ہے اَحْمدِ نوری

رَفع قومہ میں     وَضع سجدے میں    

لَا و اِلَّا ہے اَحْمدِ نوری

ذِکر ایسا کہ کلمہ کی اُونگلی 

خود سراپا ہے اَحْمدِ نوری

قومہ سیدھا رکوع دوہرا ہے

اَلِف و اِلَّا ہے اَحْمدِ نوری 

محض اِثبات کا مقامِ بلند

یوں     دکھاتا ہے اَحْمدِ نوری

میرا مرشد ہے مصحف ناطِق

نوری آیہ ہے اَحْمدِ نوری

مہبط فضل شیخ تا برکات

پنجسورہ ہے اَحْمدِ نوری

حرمین اس کے پیرو اعلی پیر

بیت اَقصیٰ ہے اَحْمدِ نوری

اِسم      اَسمٰی      ترا      تَعَا     َلیا     للّٰہ 

بامُسَمّٰی ہے اَحْمدِ نوری

آسماں     سے اُترتے ہیں     اَسماء

نام کیسا ہے اَحْمدِ نوری

نام بھی نور حسن تام بھی نور

نور دُونا ہے اَحْمدِ نوری

نورِ سرکارِ ذات دُونا ہے

دن سوایا ہے اَحْمدِ نوری

کیجئے عکس مثل کہ ناشئہ کا

نورِ انشِا۱؎ ہے اَحْمدِ نوری

قرب اس اعلیٰ سے ہے تجھے جس کا

قَصْرِ   اَوْ    اَ دْنٰی    ہے    اَحْمدِ   نوری

لا ؤ لد رہتے ہیں     تمام اَبدال

فرد و تنہا ہے اَحْمدِ نوری

پسر و نَبَسَۂ و نبیرۂ نور

نور آیا ہے اَحْمدِ نوری

اس کی سی ماں     جہان میں     کس کی

ابن زَہرا ہے اَحْمدِ نوری

شکل دیکھو تو نور کی تصویر

نوری پتلا ہے اَحْمدِ نوری

نام پوچھو تو نور کی تنویر!

نور معنٰی ہے اَحْمدِ نوری

اَنجمن ہو رہی مشرقِ نور

جلوہ فرما ہے اَحْمدِ نوری

بام و دَر کی ضیا سے روشن ہے

نور بالا ہے اَحْمدِ نوری

طالبانِ حریمِ حق کے لیے 

راست قبلہ ہے اَحْمدِ نوری

ڈَور گنڈے پہ چار عنصر کے

تیرا گنڈا ہے اَحْمدِ نوری

بند تعویذ سے کشائش نے

قول باندھا ہے اَحْمدِ نوری

نقشے جمتے ہیں     تیری ہمت سے

نقش پروَہ ہے اَحْمدِ نوری 

اچھے پیارے کے دل کا ٹکڑا ہے

اچھا اچھا ہے اَحْمدِ نوری

بھولی صورت ہے نور کی مورت

پیارا پیارا ہے اَحْمدِ نوری

گلِ بغداد کی مہک میں     بسا

بھینا بھینا ہے اَحْمدِ نوری

ابر برکات کی ٹپک میں     دُھلا

اُوجلا اُوجلا ہے اَحْمدِ نوری

ہے مصفی عسل لبوں     سے رَواں    

میٹھا میٹھا ہے اَحْمدِ نوری

وہ عوارِفؔ کا نور بار سراج

جگ اُوجالا ہے اَحْمدِ نوری

اس کے اِرشاد ہیں     دلیل یقین

شک مٹاتا ہے اَحْمدِ نوری

اس کے لب ہیں     کلید کشف قلوب

فتح دَولہا ہے اَحْمدِ نوری

گہر بے بہائے نورؔ و بہاؔ

تیرا شجرہ ہے اَحْمدِ نوری

سید       الانبیا       رسول         ا   للّٰہ 

تیرا بابا ہے اَحْمدِ نوری

مرجع الاولیاء علی وَلی

تیرا دادا ہے اَحْمدِ نوری

وہ حسینی رَچی ہوئی رنگت

گل سے زَیبا ہے اَحْمدِ نوری

زِینت زَین عابدیں     سے ترا

حسن نکھرا ہے اَحْمدِ نوری

عم اَعظم ہیں     حضرتِ باقر

تو بھتیجا ہے اَحْمدِ نوری

صادِقؔ رَفض سوز کا پرتو!

تجھ پہ سچا ہے اَحْمدِ نوری

شانِ کاظمؔ دِکھا کہ َمعْدنِ علم

تیرا مَنْشا ہے اَحْمدِ نوری

اے رضاؔ کے رضی رضا کے رضاؔ

تجھ سے جویا ہے اَحْمدِ نوری

فیض معروفؔ سے ترا معروف

شہر شہرہ ہے اَحْمدِ نوری

سِر میں     ساری ہے سرّ پاک ترے

سِر پہ سارا ہے اَحْمدِ نوری

سَیِّدُؔ الطَّائفہ کا طائف ہے

ہم کو کعبہ ہے اَحْمدِ نوری

شبل شبلی قوم شرزا پر 

شیر شرزہ ہے اَحْمدِ نوری 

عبد واحد کے بحر وحدت سے

دُرِّ یکتا ہے اَحْمدِ نوری

بوالفرحؔ کے لئے فرح دیدے

غم نے گھیرا ہے اَحْمدِ نوری

حسنؔ بوالحسن پہ تیرا حسن

کیا نرالا ہے اَحْمدِ نوری

بوسعیدؔی سعید کتنا سعد

تیرا تارا ہے اَحْمدِ نوری

غوثِؔ کونین کی غلامی سے

جگت آقا ہے اَحْمدِ نوری

عبدؔ رَزَّاق ہیں     وَسیلۂ رِزْق 

تو سہارا ہے اَحْمدِ نوری

نصر و بونصرؔ اس کے نصر نصیر

ناصر اپنا ہے اَحْمدِ نوری

تازی کوپل علیؔ کی ڈالی میں    

تیرا بالا ہے اَحْمدِ نوری

شاہِؔ موسیٰ کے گورے ہاتھوں     کا

ید بیضا ہے اَحْمدِ نوری

حسنیؔ اَحْمدِی حسینؔ و حمید

خوش ستودہ ہے اَحْمدِ نوری

دیکھ لو جلوۂ بہائُؔ الدین

آئینہ سا ہے اَحْمدِ نوری

گل خندانِ باغِ ابراہیمؔ

تیرا چہرہ ہے اَحْمدِ نوری

خود بھکاریؔ کے دَر کا سائل ہے

ہم کو داتا ہے اَحْمدِ نوری

نورِ قاضی ضیائؔ کے پرتو سے

نورِ اَضوا ہے اَحْمدِ نوری

اے جمالِ جمیل شانِ جمالؔ

تجھ میں     جملہ ہے اَحْمدِ نوری

حمد کے دونوں     پاک ناموں     کا

فیض و لمعہ ہے اَحْمدِ نوری

شانِ     اَنوارِ    فضل    فضلؔ     ا   للّٰہ 

تجھ سے پیدا ہے اَحْمدِ نوری

برکاتی چمن کا بوٹا ہے

برکت زا ہے اَحْمدِ نوری

باغِ آلِ محمدی ہے نہال 

ستھرا پودا ہے اَحْمدِ نوری 

رہے حمزہؔ کا میکدہ جس کی

مَدھ کا ماتا ہے اَحْمدِ نوری

آلِ اَحْمد ہیں     مصطفی کے چاند

ماہِ پیارا ہے اَحْمدِ نوری 

خسرو اَولیا ہیں     آلِ رسول

شاہزادہ ہے اَحْمدِ نوری 

میرے آقا کا لاڈلا بیٹا

نازوں     پالا ہے اَحْمدِ نوری

شب بدعت سے کہئے ہو کافور

نور اَفزا ہے اَحْمدِ نوری

رفض و تفضیل و ندوہ کا قاتل

سنت آرا ہے اَحْمدِ نوری

سیدھا سادھا ہے لیکن اُلٹوں     سے

بانکا ترچھا ہے اَحْمدِ نوری

دیکھے بھالے ہیں     شہر دَہر کے شیخ 

سب سے اَولیٰ ہے اَحْمدِ نوری

خلفائے ثَلٰثَہ کا ہے غلام

جب تو مولیٰ ہے اَحْمدِ نوری

ذائقہ ان کا تا زَباں     ہی نہیں    

دل سے شیدا ہے اَحْمدِ نوری

بے تقیہ بنا کریں     عیار

مرگِ شیعہ ہے اَحْمدِ نوری

بے محاسن ہیں     پیر چوٹی کے

مرد حق کا ہے اَحْمدِ نوری

یاں     نہیں     کفر پہ چمر توحید

خاص بندہ ہے اَحْمدِ نوری

کھو کے سدھ بدھ بنے سنیچر پیر

حق کا جمعہ ہے اَحْمدِ نوری

بدمَذاقوں     کو تیرا شہد ہے تلخ

ان کو صفرا ہے اَحْمدِ نوری

جلتے ہیں     تیرے گرم چرچے سے

اُن کو سودا ہے اَحْمدِ نوری

اے علم تعزیوں     کے مجرے سے دُور

تجھ کو مجرا ہے اَحْمدِ نوری

شبِ باطل کا اب سویرا ہے

حق کا تڑکا ہے اَحْمدِ نوری

ظلمتِ غم تو اور مجھ کو دیا ہے

میرا ماوا ہے اَحْمدِ نوری

تیری رحمت پہ تیری نعمت پر

میرا دعویٰ ہے اَحْمدِ نوری

جس کا میں     خانہ زاد اُس کا تو

پیارا بیٹا ہے اَحْمدِ نوری

میرے آقا کا تجھ پہ اور تیرا

مجھ پہ سایہ ہے اَحْمدِ نوری

تیرہ بختی نے کر دیا اَندھیر

دیر اب کیا ہے اَحْمدِ نوری

نورِ اَحْمدِ مجھے بھی چمکا دے

نام تیرا ہے اَحْمدِ نوری

لاکھ اپنا بنائیں     غیر اُوسے

پھر ہمارا ہے اَحْمدِ نوری

دودھ کا دودھ پانی کا پانی

کرنے والا ہے اَحْمدِ نوری

وِرَد کھو دے کہ خواہشوں     نے بہت

دل دُکھایا ہے اَحْمدِ نوری

تو ہنسا دے کہ نفس بد نے ستم

خوں     رولایا ہے اَحْمدِ نوری

خاک ہم نے اُڑائی یوہیں     سہی

تو تو دریا ہے اَحْمدِ نوری

خاندانی کرم قدیمی جود

تیرا حصہ ہے اَحْمدِ نوری

پوتڑوں     کا کریم اِبن کریم

کرم آما ہے اَحْمدِ نوری

میرے حق میں     مخالفوں     کی نہ سن

حق یہ میرا ہے اَحْمدِ نوری

اِتنا کہدے رضاؔ ہمارا ہے

پار بیڑا ہے اَحْمدِ نوری

ہیں     رضاؔ کیوں     ملول ہوتے ہو

ہاں     تمہارا ہے اَحْمدِ نوری

٭٭٭٭

حضرت ابوہریرہ     رَضِیَ اللّٰہُ تَعَالٰی عنہ کی تھیلی

    حضرت ابوہریرہ رَضِیَ اللّٰہُ تَعَالٰی عنہ کا بیان ہے کہ میں     حضورِ اقدس صَلَّی اللّٰہُ تَعَالٰی عَلَیْہِ وَسَلَّم کی خدمتِ اقدس میں     کچھ کھجوریں     لے کر حاضر ہوا اور عرض کیا کہ یا رسول اﷲ! ان کھجوروں     میں     برکت کی دعا فرما دیجئے۔ آپ صَلَّی اللّٰہُ تَعَالٰی عَلَیْہِ وَسَلَّمنے ان کھجوروں     کو اکٹھا کرکے دُعاءِ برکت فرما دی اور ارشاد فرمایا کہ تم ان کو اپنے توشہ دان میں     رکھ لو اور تم جب چاہو ہاتھ ڈال کر اس میں     سے نکالتے رہو لیکن کبھی توشہ دان جھاڑ کر بالکل خالی نہ کر دینا۔ چنانچہ حضرت ابوہریرہ رَضِیَ اللّٰہُ تَعَالٰی عنہتیس برس تک ان کھجوروں     کو کھاتے اور کھلاتے رہے بلکہ کئی من اس میں     سے خیرات بھی کر چکے مگر وہ ختم نہ ہوئیں    ۔

(سنن الترمذی،کتاب المناقب،باب مناقب ابی ھریرۃ،الحدیث:۳۸۶۵، ج۵،ص۴۵۴)

مکمل مضمون پڑھیں

سیّد کونین سلطانِ جہاں

غزل دَرصنعت عزل الشفتین کہ درو ہر دولب ملاقی نمی شود

اس نعت شریف میں     یہ صنعت رکھی ہے کہ پڑھنے میں     دونوں     ہونٹ نہیں     ملتے

سیّد کونین سلطانِ جہاں

سیّد کونین سلطانِ جہاں    

ظلِ یزداں     شاہِ دیں     عرش آستاں    

کُل سے اَعلیٰ کُل سے اَوْلیٰ کُل کی جاں    

کُل کے آقا کُل کے ہادی کُل کی شاں    

دلکشا دلکش دِل آرا دلستاں    

کانِ جان و جانِ جان و شانِ شاں    

ہر حکایت ہر کنایت ہر اَدا

ہر اِشارت دِل نشین و دلنشاں    

دل دے دل کو جان جاں     کو نور دے

اے جہانِ جان والے جانِ جہاں    

آنکھ دے اور آنکھ کو دِیدارِ نور

رُوح دے اور رُوح کو راحِ جناں    

ا   للّٰہ   ا   للّٰہ   یاس   اور   ایسی   آس   سے

اور یہ حضرت یہ دَر یہ آستاں    

تو ثنا کو ہے ثنا تیرے لئے

ہے ثنا تیری ہی دِیگر دَاستاں    

تو نہ تھا تو کچھ نہ تھا گر تو نہ ہو 

کچھ نہ ہو تو ہی تو ہے جانِ جہاں    

تو ہو داتا اور اَوروں     سے رَجَا

تو ہو آقا اور یادِ دِیگراں    

اِلتجا اس شرک و شر سے دور رکھ

ہو رضا تیرا ہی غیر اَز اِین و آں    

جس طرح ہونٹ اِس غزل سے دور ہیں    

دل سے یوں     ہی دور ہو ہر ظن و ظاں    

٭٭٭

مکمل مضمون پڑھیں